Jaŭhienija Us: Za kožnaje spatkańnie z mužam ja zmahałasia sama
Pra stan zdaroŭja eks-kandydata ŭ prezidenty žoncy nie paviedamlajuć, chacia viadoma, što jon trapiŭ u turemny špital.
Pra stan zdaroŭja eks-kandydata ŭ prezidenty žoncy nie paviedamlajuć, chacia viadoma, što jon trapiŭ u turemny špital.
1 lipienia vaš muž znachodzicca u Respublikanskaj turemnaj balnicy na Vaładarskaha. Ci jość u vas niejkaja infarmacyja pra stan jaho zdaroŭja? I ci dazvolili vam ź im niejkim čynam źviazacca?
Jaŭhienija: Pra toje, što jon u špitali, ja daviedałasia tolki siońnia zranicy. Mnie patelefanavała žonka Źmitra Bandarenki, jaki ŭ svaim liście da jaje paviedamiŭ, što moj muž razam ź im u špitali. Bolš ja ničoha nie viedaju. Niadaŭna ja sustrakałasia z sudździoj Hračovaj i sprabavała ŭziać u jaje dazvoł na spatkańnie z mužam, adnak jana dazvołu nie padpisała, arhumientujučy heta tym, što sprava pieradadzienaja ŭ haradski sud, i što jana nie maje prava hety dazvoł padpisvać.Nichto ničoha nie kaža pra toje, kudy jaho pieravodziać, nichto nie daje anijakaj infarmacyi.
A moža jość sens padyści na Vaładarskaha i pasprabavać niešta daviedacca tam?
Jaŭhienija: Ja padychodziła tudy. I adzinaje, što mnie ŭdałosia vyśvietlić, što jon sapraŭdy tam i što pryvieźli jaho tudy 1 lipienia. Bolš infarmacyi mnie nie dali.
Ci pisaŭ muž vam listy?
Jaŭhienija: Tak, apošni list ad jaho ja atrymała ŭ kancy minułaha tydnia. Varta adznačyć, što prychodziać hetyja listy ź vielmi vialikaj zatrymkaj. Pisaŭ jon jašče z Mahilova i jašče pierad tym, jak ja atrymała ź im spatkańnie. Z Vaładarskaha ž ničoha nie było.
Što vy robicie dla taho, kab kasacyjnaja skarha mieła niejki stanoŭčy vynik?
Jaŭhienija: Ščyra kažučy, ni ad mianie, ni ad advakataŭ ničoha nie zaležyć. Ale spadziajusia, što sud prymie da ŭvahi toj fakt, što sa mnoj zastałosia troje dziaciej, małodšamu ź jakich spoŭniłasia 5 miesiacaŭ.
Spadziajusia, što ŭłady adniasucca da nas pa-ludsku.
Ci jość u vas niejkija kantakty z zamiežnymi palitykami ci pravaabaroncami, kab niechta adtul sprabavaŭ paspryjać tamu, kab vam dazvolili sustrecca z mužam?
Jaŭhienija: U mianie niama absalutna nijakich kantaktaŭ. Za kožnaje spatkańnie z mužam ja zmahałasia sama
Ciapier čytajuć
Pieršaja viasna na voli. Nina i Uładzimir Łabkovičy raskazali pra svaju historyju kachańnia i žyćcio paśla turmy5
Kamientary