Žnivień čakajecca ciaplejšym za klimatyčnuju normu
Pieršy tydzień paraduje soniečnym skandynaŭskim antycykłonam, druhi nie abydziecca biez daždžoŭ.
U žniŭni ŭ Biełarusi budzie na hradus ciaplej za klimatyčnuju normu, jakaja składaje 16—17°S. Taki prahnoz dała hałoŭny sinoptyk Respublikanskaha hidramietearałahičnaha centra Volha Fiadotava na videabryfinhu 1 žniŭnia.
Kolkaść apadkaŭ u siarednim pa krainie čakajecca ad 62 da 89 mm, što blizka da klimatyčnaj normy.
Pavodle słoŭ Fiadotavaj, kali pieršy tydzień žniŭnia paraduje žycharoŭ Biełarusi soniečnym skandynaŭskim antycykłonam, to druhi nie abydziecca biez karotkačasovych navalničnych daždžoŭ, jakija buduć prachodzić pry pastupleńni pavietranych mas atłantyčnaha pachodžańnia. Pry hetym tempieratura pavietra nočču budzie vahacca ad 8 da 13°S, časam da 16—17°S ciapła. Dniom čakajecca ad 18 da 24°S, u paŭdniovych rajonach da 25—28°S.
U druhoj pałovie miesiaca pieryjady soniečnaha nadvorja mohuć čarhavacca z chaładnavatymi daždžlivymi i pachmurnymi dniami.
Pry hetym na praciahu šaści-vaśmi dzion u druhoj pałovie miesiaca projduć karotkačasovyja daždžy, tempieratura pavietra taksama budzie vahacca davoli značna: u načnyja časy čakajecca ad 7 da 15°S, u najbolš chałodnyja nočy ŭ kancy miesiaca mahčyma panižeńnie tempieratury da 3—5°S. Dzionnaja tempieratura budzie źmianiacca ad 15 da 25°S ciapła, časam na poŭdni da 28°S. U asobnyja pachmurnyja dni budzie chaładniej — 13—14°S.
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy18
Kamientary