Na praciahu tydnia budzie vyznačana miesca, dzie ja budu adbyvać pakarańnie.
Asudžany pa spravie ab masavych biesparadkach 19 śniežnia sustaršynia arhkamiteta pa stvareńni partyi «Biełaruskaja chryścijanskaja demakratyja» Pavieł Sieviaryniec budzie adbyvać pakarańnie ŭ Viciebskaj vobłaści.
Ranicaj 8 žniŭnia jon naviedaŭ inśpiekcyju Departamienta vykanańnia pakarańniaŭ u Viciebsku. «U mianie ŭziali adbitki palcaŭ, aformili nieabchodnyja papiery i paviedamili, što na praciahu tydnia budzie vyznačana miesca, dzie ja budu adbyvać pakarańnie. Pakul peŭnaje miesca mnie nie nazvali. Zajavili tolki, što ja budu adbyvać pakarańnie ŭ Viciebskaj vobłaści», — skazaŭ palityk.
Jon adznačyŭ, što
ŭ Viciebskaj vobłaści kala dziasiatka vypraŭlenčych ustanoŭ adkrytaha typu. «Jany znachodziacca jak u Viciebskim rajonie, tak i ŭ Miorach, Połacku, Navapołacku i inšych miescach», — pieraličyŭ Sieviaryniec.
Varta adznačyć, što jon užo adbyvaŭ pakarańnie ŭ vypraŭlenčaj ustanovie adkrytaha typu sa žniŭnia 2005 hady pa maj
16 maja hetaha hoda Sieviaryniec, kiraŭnik vybarčaha štaba kandydata ŭ prezidenty Vitala Rymašeŭskaha, byŭ asudžany sudom Zavadskoha rajona Mienska ŭ ramkach spravy ab masavych biesparadkach 19 śniežnia pa č. 1 art. 342 Kryminalnaha kodeksa (arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich). Dadzieny artykuł praduhledžvaje pakarańnie ŭ vyhladzie pazbaŭleńnia voli na termin da troch hadoŭ.
Sieviarynca prysudzili da troch hadoŭ abmiežavańnia voli z nakiravańniem va ŭstanovu adkrytaha typu.
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary