Ci źmienicca kurs paśla doŭhačakanaj viačerniaj narady ŭ Łukašenki?
Pa vynikach tarhoŭ na Biełaruskaj valutna-fondavaj biržy Nacbank ustanaviŭ kursy valut na zaŭtra, 26 žniŭnia. Istotnych źmienaŭ niama, dalar vyras usiaho na 6 rubloŭ. Ciapier aficyjny kurs amierykanskaj valuty składaje 5 053 rubloŭ.
Jeŭra ž padros na 40 rubloŭ i ciapier aficyjna kaštuje 7 308,15 rubla.
Kursy Nacbanka daŭno nie majuć ničoha ahulnaha z rečaisnaściu, i pytańnie pra aficyjnuju devalvacyju pa sutnaści ničoha nie źmienić. Narod daŭno pryznaŭ čarhovuju devalvacyju biełaruskich hrošaj.
Na sajcie Prakapovi.č dalar kaštuje 8150 rubloŭ, jeŭra aceńvajecca ŭ 11 600 rubloŭ.
Za paŭhoda rubiel u Biełarusi abiasceniŭsia amal u try razy. Heta nastupstvy zahahodžvańnia narodu pierad vybarami, pavyšeńnie zarobkaŭ, piensij, stypiendyi, napampoŭvańnie krainy śviežaadrukavanymi rublami.
Kamientary