U sučasnaj Biełarusi adznačajecca značnaje paharšeńnie stanovišča žančyn i parušeńnie ich pravoŭ va ŭsich śfierach žyćcia.
Takoje mierkavańnie było vykazana padčas
Pavodle słoŭ Piecinaj, asnoŭnaj prablemaj zastajecca dyskryminacyja žančyn na rynku pracy. Skłałasia paradaksalnaja situacyja: siarod rabotnikaŭ z vyšejšaj adukacyjaj žančyn 60,4%, mužčyn — 39,6%, siarod śpiecyjalistaŭ žančyn — 74,2%, a mužčyn — tolki 25,8%, adnak na pasadach kiraŭnikoŭ u śfiery dziaržaŭnaha kiravańnia mužčyn u 10 razoŭ bolš, čym žančyn.
Tamu AHP sumiesna z Žanočym niezaležnym demakratyčnym rucham vyrašyli vystupić ź inicyjatyvaj aktyŭnaha pryciahnieńnia žančyn u palityku. Anatol Labiedźka, u pryvatnaści, źviarnuŭsia da ŭsich žančyn Biełarusi z zaklikam ustupać u Abjadnanuju hramadzianskuju partyju, zajaviŭšy: «Dźviery AHP adčynieny dla vas».
Ludmiła Piecina nahadała, što 16 žniŭnia 2011 hoda byŭ pryniaty nacyjanalny płan pa dasiahnieńni hiendarnaj roŭnaści. U hety płan uvajšli i prapanovy, padrychtavanyja žanočym rucham. Praŭda, častka važnych rekamiendacyj, «takija, jak pryniaćcie zakona ab hiendarnaj roŭnaści i zakona ab praduchileńni damašniaha nasilla, pryniaty ŭ nacyjanalnym płanie z ahavorkami, heta značyć spačatku treba vyvučyć metazhodnaść pryniaćcia hetych zakonaŭ, a potym raspracavać zakon», zajaviła Piecina.
Kamientary