Pryčym zadniaj dataj.
Dziesiać členaŭ sojma Partyi BNF byli vyklikanyja na dopyt u Centralnaje RUUS Minska.
«Viečaram 3 kastryčnika ŭ ofis partyi byli dastaŭlenyja pozvy, u adpaviednaści ź jakimi śledčy Inha Patapienka vyklikała ŭ toj ža dzień dla dopytu ŭ jakaści śviedak dziesiać členaŭ kiraŭničaha orhana partyi», — paviedamiŭ člen sojma Vadzim Kanapacki.
Pry hetym, pavodle jaho słoŭ, pozvy nie majuć paštovaha štempiela i marak, a taksama byli dastaŭlenyja ŭ
Kanapacki paviedamiŭ, što ŭ pozvach nie ŭkazana, pa jakoj spravie vyklikajucca členy partyi. Na jaho dumku, masavy vyklik da śledčaha moža być źviazany z kryminalnaj spravaj, raspačataj u dačynieńni da troch členaŭ sojma Partyi BNF.
***
Jak paviedamlałasia, Aleś Kalita, Maksim Hubarevič i Siarhiej Siemianiuk padazrajucca ŭ źbivańni achoŭnika budynka, dzie raźmiaščajecca ofis Partyi BNF. Incydent adbyŭsia 13 žniŭnia niepasredna pierad pačatkam pasiadžeńnia sojma partyi.
Jak zajaviŭ Kanapacki, kiraŭnictva partyi razhladaje masavy vyklik na dopyt jak palityčna matyvavany cisk na apazicyjnuju arhanizacyju. «I sproba pryciahnieńnia da kryminalnaj adkaznaści troch členaŭ sojma, i hety vyklik na dopyt źjaŭlajucca častkaj płanamiernaj kampanii pa nacisku na Partyju BNF. U apošni čas my bačym z boku ŭłady aktyvizacyju pieraśledu palityčnych apanientaŭ», — skazaŭ Kanapacki.
Jon taksama paviedamiŭ, što ni adzin z vyklikanych členaŭ sojma nie źjaŭlajecca štatnym supracoŭnikam vykanaŭčych orhanaŭ partyi, a bolšaść navat nie žyvuć u Minsku.
Pavodle jaho słoŭ, pozvy byli «pakinutyja biez ruchu», a na adras Centralnaha RUUS Minska dasłany list z prapanovaj nakiroŭvać pozvy naležnym čynam.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1111
Kamientary