Intex-press: Bolšaść apytanych žycharoŭ Baranavič ničoha nie čuli pra Narodny schod
Žurnalisty baranavickaj niezaležnaj haziety «Intex-press» vyśvietlili, jak žychary horada staviacca da inicyjatyvy praviadzieńnia Narodnaha schodu. Akazałasia, što bolšaść apytanych žycharoŭ Baranavič ničoha nie čuli pra Narodny schod.
U toj ža čas adzin ź inicyjataraŭ akcyi Viktar Ivaškievič, jaki pierad mierapryjemstvam naviedaŭ Baranavičy, ličyć, što značnaja častka žycharoŭ Biełarusi viedaje, pra Narodny schod.
Pa słovach Ivaškieviča, ideja pravieści Narodny schod paŭstała paŭhady tamu. Paśla ŭvieś hety čas viałasia padrychtoŭčaja praca. Mety akcyi — pratest suprać paharšeńnia sacyjalna-ekanamičnaj situacyi ŭ krainie i vyzvaleńnie ŭsich palitviaźniaŭ.
«Narodny schod adbudziecca 8 kastryčnika a 13:00 u 28 haradach Biełarusi, — kaža Viktar Ivaškievič. — U Baranavičach jon budzie prachodzić u Starym parku, jaki vyznačany miascovym zakanadaŭstvam jak miesca dla praviadzieńnia pikietaŭ i mitynhaŭ, chacia, u pryncypie, schody mohuć prachodzić dzie zaŭhodna. Biełaruskaje zakanadaŭstva dazvalaje hramadzianam źbiracca na Narodny schod biez zajavak i dazvołaŭ, kab abmierkavać prablemy, jakija ich chvalujuć».
Ivaškievič ličyć, što značnaja častka žycharoŭ Biełarusi viedaje, pra Narodny schod. Pa jaho słovach, mini Narodnyja schody ŭžo paŭhoda prachodziać štodnia na kuchniach amal u kožnaj kvatery. «Chopić užo maŭčać na akcyjach pratestu, treba vykazvacca, ahučvać svaje patrabavańni» — adznačyŭ jon.
Viktar Ivaškievič taksama spadziajecca, što ŭłady pastaviacca da Schodu strymana. Arhkamitety ŭsich haradoŭ dasłali zaprašeńni na Narodny schod miascovym uładam, i Baranavičy nie źjaŭlajecca vyklučeńniem. «Dalej sprava za čynoŭnikami — ci jość im što skazać ludziam?» — kaža Ivaškievič.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary