U Małdovie budzie dva časavyja pojasy — na pravym i levym bierazie Dniastra.
Heta źviazana z admovaj niepryznanaj Prydniastroŭskaj Małdaŭskaj Respubliki pierachodzić na zimovy čas. Prezident Prydniastroŭja Ihar Śmirnoŭ padpisaŭ ukaz ab admienie pierachodu na siezonny čas na terytoryi PMR z metaj poŭnaha vykarystańnia śvietłaha času sutak, palapšeńnia ŭmoŭ pracy i adpačynku nasielnictva, vyklučeńnia niehatyŭnaha ŭździejańnia na zdaroŭje nasielnictva pieravodu strełak hadzińnikaŭ na zimovy i letni čas.
Aficyjnyja ž małdaŭskija ŭłady nie majuć namieru admaŭlacca ad pierachodu na zimovy čas. 30 kastryčnika strełka hadzińnika budzie pieraviedziena na hadzinu nazad.
Mižnarodnaja supolnaść pryznaje terytaryjalnuju cełasnaść Małdovy, nieadjemnaj častkaj jakoj źjaŭlajecca Prydniastroŭski rehijon, jakomu aficyjny Kišynioŭ hatovy pradastavić status aŭtanomii z šyrokimi paŭnamoctvami ŭ ramkach adzinaj Małdovy.
Kamientary