Čavies sabraŭsia kiravać da 2031 hoda: sacyjalizm, sacyjalizm i jašče raz sacyjalizm.
Prezident Vieniesueły Uha Čavies zajaviŭ, što maje namier zastavacca na najvyšejšaj dziaržaŭnaj pasadzie da 2031 hoda.
«Ja chacieŭ syści ŭ 2021 hodzie,
ale raz apazicyja śćviardžaje, što ja pamiraju, to ŭ mianie paŭstaŭ inšy płan: z Božaj dapamohaj i z vašaha adabreńnia budu kiravać da 2031»,
— skazaŭ jon u paniadziełak na sustrečy sa studentami.
Lidar vykazaŭ upeŭnienaść u svajoj «pierakanaŭčaj pieramozie» na čarhovych prezidenckich vybarach, jakija projduć u Vieniesuele ŭ kastryčniku 2012 hoda. Uśled za hetym, pa jaho słovach, pojdzie «praces pahłybleńnia sacyjalistyčnaj revalucyi». Adnak,
«kolki b ja ni pražyŭ, mnie nie ŭdasca ŭbačyć Vieniesuełu, pra jakuju ja maru»,— pryznaŭ Čavies, zaklikaŭšy studentaŭ praciahnuć pačatuju im spravu.
Prezident Vieniesueły hetym letam prajšoŭ kurs lačeńnia ad raka.
«Sacyjalizm, sacyjalizm i jašče raz sacyjalizm, — abviaściŭ prezident. — My pavinny ŭzmacnić baraćbu suprać hramadskich jazvaŭ, jakija dastalisia nam u spadčynu ad minułych časoŭ: hvałtu, złačynnaści, niaroŭnaści, karupcyi, ehaizmu, indyvidualizmu».
Ciapier čytajuć
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak3
Kamientary