Čamu Čyž musić pradać FK «Dynama» Levinu

Bo jaho biźnies-padychod u pryncypie nie efiektyŭny ŭ futbole, u adroźnieńnie ad biźnies-padychodu Kapskaha. Jak dynamaŭski bos moža zachavać tvar i vybłytacca ź niaprostaj situacyi, kali cacka darahaja i nie prynosić radaści?

Futbolny kłub «Dynama-Minsk» siońnia chvory. Viečnaja «srebna-bronzavaja» pierśpiektyva słaba hreje dušu «dynamikam», a haspadar kaža ab čarhovym «stračanym siezonie». Prablemy kłuba moža pieraličyć luby: kalejdaskop trenieraŭ, varjackija rasprodažy hulcoŭ padčas siezonu, vysyłki ŭ dubl lideraŭ kamandy. Ale heta ŭsio tolki simptomy chvaroby, a nie sama chvaroba. Naadvarot, BATE znoŭ na chadu.

Paradoks. Dźvie pryvatnyja — «haspadarskija» — kamandy. Abiedźvie mohuć dazvolić sabie hadavać źmienu i kuplać najlepšych hulcoŭ čempijanatu i zaprašać paraŭnalnych pa talentu lehijanieraŭ. I hetak dalej. Adkul tady takaja roźnica ŭ vynikach?

Sprava ŭ roźnicy biźnies-padychodaŭ, jakija vyznajuć Čyž i Kapski.

Kanhłamierat kampanij «Trajpł», jaki naležyć Juryju Čyžu, — heta nabor biźniesaŭ, pabudavanych na troch dziejańniach. Ab prybytkovaści luboj kampanii Juryja Alaksandraviča možna kazać u termin ad troch miesiacaŭ da paŭtara hoda.

1.Vybić va ŭrada kvotu na ŭvoz u krainu nafty.

2.Pierapracavać jaje na čužym pradpryjemstvie.

3.Pradać-ekspartavać vysokalikvidny tavar.

Efiektyŭnaść układańniaŭ možna aceńvać ŭžo praz 3–4 miesiacy. Na tych samych pryncypach zasnavany budaŭničy departamient «Trajpła». Atrymać ad uładaŭ pierśpiektyŭny ŭčastak (1). Uźvieści budynak (2), pradajučy (3) kvatery abo ofisy jašče na etapie budaŭnictva. Akupnaść inviestycyj jasnaja na praciahu hoda-paŭtara. Hipiermarkiety «ProStore» — heta «kupi (1) — pradaj (2)» u čystym vyhladzie. Toje ž možna skazać pra restaranny biźnies.

A ciapier davajcie ŭspomnim inviestycyi Juryja Alaksandraviča ŭ vytvorčaść. Heta AAT «Biarozaŭski kambinat silikatnych vyrabaŭ» i STAA «Trajpłfarm». Ab pośpiechach pieršaha niešta ničoha nie čuvać. Druhoje (usiaho 45 pracoŭnych miescaŭ) zusim ciahnie na surjoznuju vytvorčaść.

Prostaść madeli dazvalaje vielmi chutka aceńvać efiektyŭnaść układańniaŭ i pryciahnutych mieniedžeraŭ. Napramak prybytkovy — vydatna. Nie — zakryvajem jaho. Da ščaścia, «Dynama» ni začynić, ni likvidavać nielha.

Anatol Kapski viadomy jak hiendyrektar AAT BATE, a ź niadaŭnich časoŭ jašče i kiraŭnik kirujučaj kampanii chołdynhu «Aŭtakampanienty». Kali nie ličyć TAA FK BATE, jakoje samo pa sabie kamiercyjna paśpiachovy prajekt, ź inšych biznesaŭ Anatola Anatoleviča viadomy tolki» Stałkier «. Hetaja firma — minarytarny akcyjanier AAT BATE. Dosyć daŭno Kapski i jaho kampańjony na adkrytych aŭkcyjonach pačali skuplać akcyi zavoda. Sam jon pryjšoŭ na pasadu namieśnika, a potym i hiendyrektara AAT jak pradstaŭnik akcyjaniera.

Anatol Anatolevič kiruje zavodam, inviestuje srodki (pazyčanyja i zaroblenyja pradpryjemstvam) u vytvorčaść — abstalavańnie i technałohii. Jak vy razumiejecie, takija inviestycyi akuplajucca doŭha. Zrazumieła, raście košt AAT BATE — raście košt doli «Stałkiera». Upeŭnieny, što Kapski i kampańjony majuć namier (u pierśpiektyvie) stać ułaśnikami zavoda. Heta značyć, ja

ny ad pačatku nastrojenyja na doŭhaterminovy prajekt, atrymańnie vyniku ŭ addalenaj pierśpiektyvie.

Biźnies Čyža — heta budaŭnictva, handal i restarany. Biźnies Kapskaha — vytvorčaść. Heta nakładvaje adbitak na kiravańnie futbolnymi kłubami «Dynama-Minsk» i BATE.

Tut možna spytać: «I što ž ty prapanuješ?» A ja prapanuju voś što.

Uspomnicie, jak Juryj Alaksandravič Čyž pryjšoŭ u «Dynama». Pa čutkach (a jany ŭ našaj krainie ŭsio bolš źjaŭlajucca krynicaj samaj abjektyŭnaj infarmacyi), prezident skazaŭ Čyžu — treba ratavać kamandu. Voś jon i ratuje. Nie razumiejučy taho, što

efiektyŭny (u jaho razumieńni) biźnies i čempijonstva niesumiaščalnyja.

Kamu? Naprykład, Siarhieju Levinu.

Pa-pieršaje, jon dosyć bahaty, kab razhledzieć takuju prapanovu. Pa-druhoje, jaho biznes-madel moža supierničać ź biźnies- i futbolnaj madellu Kapskaha. Jon stvaryŭ brend «Siabar», kapitalna madernizavaŭšy zbankrutavany Babrujski piŭzavod i pradaŭ (doraha) jaho «Chajniekienu». Jon stvaryŭ z nula «Sočny» i zavajavaŭ svaim sokam chaładzilniki biełarusaŭ. Jon prydumaŭ biełaruski parašok «Mara» i ciapier zavajoŭvaje vašy pralnyja mašyny. H.zn.

jon moža pačać doŭhaterminovy prajekt, sabrać efiektyŭnuju kamandu kiraŭnikoŭ i dačakacca vyniku.

Raspaviadu pra niedachopy takoha płanu akramia taho, što hałoŭny jaho fihurant nie ŭ kursie, što hety płan isnuje.

Takim čynam, Levin — jaŭrej. Heta mocna źniervuje prychilnikaŭ Hiesa (ci ŭsio ž čempijonstva važniej?). Chutčej za ŭsio, nie raźbirajecca ŭ futbole. A ci treba kab uładalnik kamandavaŭ trenieru kaho stavić na hulniu?

Levin, u asnoŭnym, starajecca nie vysoŭvacca. Adnak nie saromiejecca ahučvać ambicyjnyja płany. I, jak było nie raz, pachvalicca dasiahnieńniami. Jon toj, chto moža kankuravać z Kapskim. U biźniesie i na poli. Ci nie da hetaha imkniecca «Dynama»?

Chto prapanuje Levinu kupić «Dynama»?

Heta pavinien zrabić sam Juryj Alaksandravič. Dla jaho heta mahčymaść zachavać «tvar» i z honaram vyjści z tupikovaj situacyi. Admovicca ad ciažkaj «cacki», jakaja ŭsio nijak nie stanie čempijonam i nie choča prynosić prybytak.

Jaki hałoŭny arhumient, jaki ahučyć Čyž?

Kłub ŭładalnikaŭ futbolnych kamand vielmi vuzki. Uvajšoŭšy ŭ jaho, biźniesmen znachodzić mahčymaść abmiarkoŭvać svaje, u tym liku i biźnies-, prajekty na samym vysokim uzroŭni

• 0
• 0
• 0
• 0
• 0
• 0
• 0
• 0