Prezidenty Armienii, Biełarusi, Kazachstana, Kyrhyzstana, Rasii, Tadžykistana i Uźbiekistana abmiarkujuć šyroki pieralik pytańniaŭ aptymizacyi ŭ ramkach Arhanizacyi Dahavora ab kalektyŭnaj biaśpiecy (ADKB) vajennaha, vajenna-techničnaha i infarmacyjnaha supracoŭnictva, reahavańnia na nadzvyčajnyja situacyi, baraćby z narkatrafikam i teraryzmam. Ab hetym paviedamiŭ 18 śniežnia žurnalistam pamočnik prezidenta Rasii Siarhiej Prychodźka, pieradaje RIA Novosti.
Čarhovaja siesija Savieta kalektyŭnaj biaśpieki ADKB projdzie 20 śniežnia ŭ Maskvie.
«Usiaho ŭ paradak dnia ŭniesieny 34 pytańni. Jany nie nosiać niejkaha zvyšvostraha charaktaru, ale rehulujuć łahistyčnyja, kadravyja pytańni, adlustroŭvajuć pazicyi savieta ADKB pa niekatorych mižnarodnych prablemach. U pryvatnaści, jość taki punkt ab płanie mierapryjemstvaŭ pa procidziejańni vyklikam i pahrozam biaśpiecy, što zychodziać z terytoryi Afhanistana», — skazaŭ Prychodźka na bryfinhu.
U paradak sustrečy ŭvajšło abmierkavańnie asnoŭ infarmacyjnaj palityki ŭ intaresach dziaržaŭ — členaŭ ADKB, pytańniaŭ vučebna-mietadyčnaj padrychtoŭki Kalektyŭnych sił apieratyŭnaha reahavańnia, ich dysłakacyi, zabieśpiačeńnia, roznych aśpiektaŭ administracyjna-finansavaha zabieśpiačeńnia dziejnaści arhanizacyi.
Na siesii staršynstva va ŭsich statutnych orhanach ADKB piarojdzie ad Biełarusi da Kazachstana, jaki pradstavić svajo bačańnie pryjarytetaŭ pracy arhanizacyi na 2012 hod.
«Siesija budzie nasić, biezumoŭna, praktyčny charaktar. Pa miery taho, jak dziejnaść ADKB nabyvaje ŭsio bolš źmiastoŭny i transparentny dla našych partnioraŭ charaktar, pa miery taho, jak kolkaść zadač pavialičvajecca, jość nieabchodnaść heta ŭsio sistematyzavać i na pravilnuju pravavuju doŭhaterminovuju asnovu mnohija techničnyja pytańni pieravieści», — dadaŭ pamočnik prezidenta RF.
Ekśpierty nie vyklučajuć, što na samicie mohuć być uźniaty i sprečnyja pytańni — ab mandacie kalektyŭnych sił abo mahčymaści adchodu ADKB ad praktyki pryniaćcia rašeńniaŭ pa pryncypie kansensusu.
Ciapier čytajuć
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach6
Kamientary