Ich miescy zaniali kaviarnia, krama abutku, dziciačych cacak dy inš.
Sietka miasnych kramaŭ pad nazvaj «Saviecki», jakaja naležyć TAA «Saviecki viek», začyniłasia. Ciapier ich miescy ŭ Minsku zaniali inšyja handlovyja abjekty. Na vulicy Leninhradskaj, naprykład, adčyniłasia krama abutku, na Mašerava — kaviarnia, a na vulicy Bielskaha pradajuć dziciačyja cacki.
Atrymać kamientar u kiraŭnictva pradpryjemstva nie atrymałasia. Numary telefonaŭ, paznačanyja ŭ daviednikach, nie dziejničajuć. Možna dapuścić, što pryčynaj zakryćcia stali prablemy z pastaŭkami miasa, jak pra heta naprykancy žniŭnia paviedamlaŭ partał Telegraf.by. Kiraŭnictva pradpryjemstva i tady ŭstrymlivałasia ad kamientaroŭ.
U žniŭni minułaha hoda «NN» pisała pra sietku kramaŭ pad nazvaj «Saviecki». Dyrektar TAA «Saviecki viek» Dźmitry Śvirydaŭ z aściarožnym aptymizmam kazaŭ tady, što peŭnaja baza stałych pakupnikoŭ u jahonych kramach užo sabrałasia, choć jany na toj momant pracavali ŭsiaho paŭhoda. Jon padkreślivaŭ, što robić staŭku na vysokuju jakaść pradukcyi i dastupnuju canu.
Markietołah Siarhiej Skarachod tady ž papiaredžvaŭ, što ekspłuatacyja nastalhii pa minułym u biźniesie nie maje pierśpiektyvy. Adnak, jak vyhladaje, pryčynaj zakryćcia biźniesu stała nie pamyłkovaja nazva kramaŭ.
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary