Choć za adnaŭleńnie Jakavienki vykazalisia 22 delehaty, a suprać prahałasavali 100 delehataŭ.
Maŭlaŭ, za heta nie była padadziena dastatkovaja kolkaść hałasoŭ. List publikuje ŭ svaim błohu dačka piśmieńnika.Vyklučany z Sajuza biełaruskich piśmieńnikaŭ (SBP) Vasil Jakavienka atrymaŭ list ź Ministerstva justycyi, u jakim jamu paviedamlajecca, što rašeńnie pra jahonaje vyklučeńnie nie było pravamocnym.
Kopija lista skiravana taksama novaabranamu staršyniu arhanizacyi.
U vypadkach kanfliktaŭ u niezaležnych abjadnańniaŭ minułym Miniust zvyčajna stanaviŭsia na bok, vyhadny łukašenkaŭcam. Raniej ministerstva prymała represiŭnyja zachady suprać advakataŭ, jakija abaraniali palitviaźniaŭ. Taksama jano nie raz admaŭlała ŭ rehistracyi niezaležnym supołkam i partyjam i źviartałasia ŭ sudy, kab likvidavać niaŭhodnyja arhanizacyi. Miniust taksama dziejničaŭ u źviazcy z KDB, stvarajučy pieraškody dziejnaści niezaležnych ŚMI, jakija vydavalisia hramadskimi arhanizacyjami.
Praź niekalki dzion paśla pahromaŭ 19-20 śniežnia 2010 hoda Jakavienka apublikavaŭ list, u jakim vinavaciŭ byłoha staršyniu SBP Alesia Paškieviča ŭ finansavych złoŭžyvańniach. Jon apublikavaŭ jaho ŭ štotydnioviku «Litaratura i mastactva», a taksama źviarnuŭsia sa skarhami ŭ prakuraturu i šerah profilnych viedamstvaŭ, jakija, zrešty, nie znajšli parušeńniaŭ u dziejnaści SBP.
Choć fakty, vykładzienyja ŭ tym liście, nie paćvierdzilisia, Jakavienka nie prynios prabačeńniaŭ i nie apublikavaŭ abviaržeńnia.
Jon nastojvaje na svajoj racyi.
Jakavienku z arhanizacyi vyklučyła Rada. Jakavienka źviarnuŭsia da źjezda z prośbaj ab adnaŭleńni jaho ŭ arhanizacyi. Adnak źjezd hetuju prośbu adchiliŭ. Za adnaŭleńnie vyklučanaha Jakavienki vykazalisia 22 delehaty, za vyklučeńnie prahałasavali 100 delehataŭ, jašče 29 čałaviek ustrymalisia. Miniust pieraviarnuŭ rašeńnie naadvarot: maŭlaŭ, hałasoŭ było zamała dla vyklučeńnia.
Źviartaje ŭvahu, što list Miniusta napisany pa-biełarusku sa šmatlikimi pamyłkami movy.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary