Minčanka Śviatłana Čornaja, jakaja haładaje z 30 listapada ŭ znak pratestu suprać śmiarotnaha prysudu Dźmitryju Kanavałavu i Uładzisłavu Kavalovu, sustrełasia z pradstaŭnikom Biełaruskaj pravasłaŭnaj carkvy (BPC).
Jak paviedamiła žančyna BiełaPAN, jana prasiła ab asabistaj sustrečy ź mitrapalitam Minskim i Słuckim Fiłaretam, ale 20 studzienia pa błasłavieńni Fiłareta jaje pryniaŭ archimandryt ihumien Antonij.
Na sustrečy Čornaja paprasiła, kab mitrapalit publična vykazaŭ svajo mierkavańnie adnosna prysudu Kanavałavu i Kavalovu, abvinavačanych u arhanizacyi vybuchu ŭ minskim mietro.
«Dumaju, mierkavańnie ŭładyki Fiłareta pavinna paŭpłyvać na rašeńnie prezidenta, jaki moža pamiłavać pryhavoranych,— skazała Śviatłana. — Abaviazak carkvy — zaścierahać dušy ludziej ad padzieńnia. Pakolki jość vielmi vialikija sumnieńni ŭ vinavataści Kavalova i Kanavałava, u vypadku ich pakarańnia adbudziecca padzieńnie duš tych, chto ich pakaraje, tych, chto vynosiŭ prysud, a taksama prezidenta, kali jon nie prymie rašeńnie ab pamiłavańni. U razmovie z archimandrytam Antonijem ja paprasiła pieradać svaju pazicyju mitrapalitu. Ja taksama skazała, što suśvietnaja hramadskaść pavinna viedać mierkavańnie takoha pavažanaha čałavieka, jak uładyka Fiłaret, viedać, što my za narod».
Pavodle słoŭ Čornaj, jaje surazmoŭca paviedamiŭ, što mitrapalit Fiłaret maje prava źviarnucca da kiraŭnika dziaržavy z zastupnictvam i što jon nieadnarazova heta rabiŭ, ale pra heta nie pryniata abviaščać u ŚMI.
Ihumien Antonij zaklikaŭ Śviatłanu Čornuju jak viernika spynić haładoŭku, kab nie nanosić škodu svajmu zdaroŭju.«Na heta ja adkazała, što kali raniej mnie było ciažka, to zaraz stała značna lepš. Haładoŭka navat pavysiła maju duchoŭnaść i ja, jak sapraŭdny viernik, liču heta cudam», — skazała surazmoŭca
Archimandryt Antonij pieradaŭ Śviatłanie Čornaj u padarunak ad mitrapalita Fiłareta dźvie knihi — malitvieńnik i Jevanhielle.
Minčanka maje namier praciahvać haładoŭku i spadziajecca, što abvinavačanyja ŭ terakcie buduć pamiłavany. «Ad mianie mała što zaležyć, ale ja
Varta zaznačyć, što svaju pazicyju adnosna śmiarotnaj kary BPC vykazała ŭ siaredzinie śniežnia, kali ŭ hramadstvie aktyŭna abmiarkoŭvaŭsia prysud, vyniesieny Kanavałavu i Kavalovu. U kamientaryi BPC havaryłasia, što jana nie znajšła ŭ carkoŭnym vieravučeńni «vyčarpalnych źviestak», jakija rabili b chryścijanskaje staŭleńnie da prablemy śmiarotnaj kary adnaznačnym. Zaznačałasia taksama, što carkva «nie pavinna kateharyčna patrabavać admieny śmiarotnaj kary — tym bolš u hramadstvie, jakoje ŭ svajoj bolšaści tak rašuča na joj nastojvaje». «Admova ad učynieńnia śmiarotnaj kary pavinna źjaŭlacca vynikam uśviedamleńnia hramadstvam nieabchodnaści
Śviatłana Čornaja znajomaja z hetym kamientaryjem. «Ale ŭ im vykazana staŭleńnie da śmiarotnaj kary jak takoj. Ja ž prašu ŭładyku Fiłareta vykazacca pa kankretnym vypadku», — padkreśliła minčanka.
Nahadajem, Biełaruś — adzinaja ŭ Jeŭropie kraina, dzie dahetul prymianiajecca śmiarotnaja kara.
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki40
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary