Daścipny šedeŭr Vudzi Ałena na biełaruskim teleekranie.
Kuli nad Bradvejem (Bullets Over Broadway)
ZŠA, 1994, kalarovy, 98 chv.
Režyser: Vudzi Ałen
Roli vykonvajuć: Džon Kjusak, Dajan Ŭist, Dženifer Cili, Čeze Pałmintery, Trejsi Ŭłmen, Rob Rajner, Džo Vitereli
Žanr: Iraničnaja kamedyja
Adznaka: 7,5 (z 10)
Małady dramaturh napisaŭ pjesu. Ale hrošaj na pastanoŭku niama. Ich daje Nju-Jorski hanhster, jaki patrabuje ŭziać na hałoŭnuju rolu svaju biazdarnuju paluboŭnicu. A tut šče achoŭnik paluboŭnicy (Čeze Pałmintery) pačynaje davać dramaturhu parady… i pierapisvaje pjesu.
Karcina nasyčanaja daścipnymi cytatami. Tak imia bandyta – mister Valenci (ździek z halivudzkaha kinaprakatčyka 40-ych), kaściumy j atmasfera hanhsterskaha kino paźmiašanyja z teatralnaj butaforyjaj, a alter ego Vudzi Ałena (aktor Džon Kjusak) - inkarnacyja niedarekaŭ, syhranych režyseram.
Biazdarnaja aktrysa ŭ filmie - hratesknaja, ciełaachoŭnik-hanhster – natchniony, teatralnaja zorka - šaržavana-ŭźniosłaja, a sceničny paluboŭnik - pražerlivy.
Bliskučy siužet, vybitny aktorski skład, tojesnaść režysury j hanhsteryzmu. Pjesa, vypraŭlenaja bandytam karystałasia šalonym pośpiecham. Toje ž tyčycca j stužki Ałena.
Ciapier čytajuć
U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj20
Kamientary