Zatrymanuju ŭ Minsku zdymačnuju hrupu Šviedskaha telebačańnia vyzvalili
Žurnalistaŭ vyzvalili praz try hadzny.
Razam z televizijščykami zatrymali karespandenta radyjostancyi «Rusckaja słužba novostiej» u Biełarusi Uładzimira Čudziancova i siabra HA «BAŽ» Illu Kuźniacova, jakija supravadžali hrupu Sveriges Television (apieratara Śviena Bierhmana, karespandenta Ołafa Krystafiersana i pradziusara Izabel Somerfield).
Žurnalisty płanavali zdymki na płoščy Niezaležnaści — intervju z udzielnikam adnoj z «maŭklivych» akcyj pratestu Ramanam Pratasievičam. Jaho taksama zatrymali i dastavili ŭ RUUS, ale ŭ chutkim časie (18.00) adpuścili.
«Jak tolki pačalisia zdymki, padjechaŭ mini-ven ź milicyjantami, nas usich pasadzili ŭ mašynu i skazali, što viazuć dla pravierki dakumientaŭ u Maskoŭski RUUS», — raspavioŭ pres-słužbie HA «BAŽ» Illa Kuźniacoŭ.
Pa jaho słovach, zamiežnyja kalehi majuć aficyjnuju akredytacyju ŭ Biełarusi.
***
Jak aviedamiŭ kaleham Illa Kuźniacoŭ, pryblizna a 20-j zatrymanych vyzvalili. U ich pierapisali dakumienty. a taksama źniali videazapis z fłeški. U Maskoŭskim RUUS zatrymanyja praviali kala 3 hadzin. Charakterna, što niezadoŭha da vyzvałńnia dziažurny RUUS paviedamiŭ namieśniku staršyni HA "BAŽ" Andreju Bastuncu, što da ich nikoha nie pryvozili.
Ciapier čytajuć
Čym ciapier žyvie Ksienija Vołkava z «Apošniaha hieroja»? Čverć stahodździa tamu hetaja biełaruska trapiła na trapičny vostraŭ2
Kamientary