Prajšło amal dva hady, jak Biełaruś straciła adnaho z najvydatniejšych paetaŭ za ŭsiu historyju isnavańnia biełaruskaj litaratury – Anatola Sysa.
Prajšło amal dva hady, jak Biełaruś straciła adnaho z najvydatniejšych paetaŭ za ŭsiu historyju isnavańnia biełaruskaj litaratury – Anatola Sysa. Usio svajo tvorčaje žyćcio, uvieś svoj paetyčny talent Anatol Sys uskłaŭ na ałtar słužeńnia Baćkaŭščynie, na ałtar pryšłaści rodnaj Biełarusi. Jahonyja pryžyćciovyja knihi vieršaŭ «Ahmień», «Pan Les» i «Sys» składajuć załaty fond ajčynnaj paezii.
Nastaŭ čas spłačvać daŭhi pierad pamiaćciu vialikaha paeta. Sajuzam biełaruskich piśmieńnikaŭ razam z časopisam «Dziejasłoŭ» minułaj vosieńniu na radzimie Anatola Sysa ŭ vioscy Haroškaŭ na Homielščynie było arhanizavana i praviedziena pieršaje śviata paezii u honar paeta pad nazovam «Duch – heta ludzi ja!..»
Kiraŭnictva Sajuzu biełaruskich piśmieńnikaŭ ličyć, što hetaje śviata pavinna stać štohadovym i tradycyjnym. Zrobleny pieršyja kroki na šlachu ŭšanavańnia pamiaci Anatola Sysa. Tak z 2007 hoda premija časopisa «Dziejasłoŭ» ŭ naminacyi «Debiut» budzie nasić imia Anatola Sysa. Naprykancy minułaha hoda vydaviectva «Biełaruski knihazbor» vydała knihu paeta pad nazovam «Lon». Heta vydańnie jość vydatnym paetyčnym pomnikam Anatolu Sysu. Ale da astatniaha času zastajecca nieŭparadkavanaj mahiła paeta.
U suviazi z hetym Sajuz biełaruskich piśmieńnikaŭ abviaščaje konkurs na lepšy nadmahilny pomnik Anatolu Sysu. Pa ŭmovach konkursu: u kampazicyi pomnika abaviazkova pavinny prysutničać Kryž, jak hałoŭny chryścijanski i paetyčny simvał paezii Anatola Sysa.Termin dziejańnia konkursu da 1 traŭnia 2007 hoda. Eskizy, prajekty pomnikaŭ buduć prymacca da razhladu arhkamitetam pa ŭšanavańni pamiaci Anatola Sysa, jaki mieścicca pa adrasie: h. Minsk, vuł.Frunzie, 5, p. 307.
Adnačasova arhkamitet abviaščaje zbor srodkaŭ na vykanańnie i ŭstalavańnie nadmahilnaha pomnika Anatolu Sysu.
Kantaktnyja telefony: 294‑03‑48; 768‑56‑14.
Kamientary