Foreign Policy: Najlepšaje vyjście dla Łukašenki — šukać prytułku ŭ Maskvie
Časopis nazyvaje Sańnikava «adnym z najvialikšych hierojaŭ našaha času». «Svabodnaja Biełaruś chacieła b takoj ža zamiežnaj i ekanamičnaj palityki, jak u Kazachstana».
«Adzin z najvialikšych hierojaŭ našaha času, Andrej Sańnikaŭ, hałoŭny apanient Alaksandra Łukašenki na vybarach u Biełarusi ŭ śniežni 2010 hoda, byŭ kinuty za kraty pa sfabrykavanych abvinavačańniach, a ŭ minułuju u subotu byŭ vyzvaleny, — piša Denieł Runde ŭ błohu Foreign Policy. — ZŠA i Jeŭropa zachoŭvajuć sankcyi suprać Biełarusi ŭžo niekalki hadoŭ. Mahčyma, Łukašenka vykarystoŭvaje vyzvaleńnie Sańnikava jak manieŭr, nakiravany na źniaćcie sankcyj», — miarkuje aŭtar.
«Łukašenka kiruje krainaj jak maryjanietkavaj dziaržavaj zychodziačy z samych nizkich instynktaŭ i prymchaŭ Uładzimira Pucina», — śćviardžaje Runde. Na dumku aŭtara, «svabodnaja Biełaruś, vierahodna, chacieła b takoj ža zamiežnaj i ekanamičnaj palityki, jak u Kazachstana, — z mahčymaściu ŭstupać va ŭzajemadziejańnie i svabodna bałansavać pamiž Jeŭropaj, ZŠA i Rasijaj, a nie funkcyjanavać jak daččynaje pradpryjemstva ŭ poŭnaj ułasnaści Rasii».
U siarednieterminovaj pierśpiektyvie najlepšym zychodam dla Łukašenki było b nie bałatavacca jašče na adzin termin u 2015 hodzie, a šukać prytułku ŭ Maskvie, dazvoliŭšy pravieści demakratyčnyja vybary ŭ Biełarusi.
Svabodnaja Biełaruś była b vialikaj pieramohaj dla Złučanych Štataŭ i Jeŭropy. Hetyja vychodnyja stali momantam palohki i radaści, zaklučaje žurnalist.
-
Režym Łukašenki časova stanie mienš ahresiŭnym da susiedziaŭ, ale stratehična budzie imknucca da avałodańnia atamnaj zbrojaj
-
«Znajšli krajniaha», a «pastaviać sałdafona jakoha-niebudź». U sacsietkach adreahavali na zvalnieńnie kiraŭnika «Minsktransa»
-
Cyhankoŭ: Nie padazravaŭ, što Babaryka źjaŭlajecca prychilnikam sacyjalizmu — mary siaredniaha čałavieka
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary