«Kali aŭdytoryja sajta radyjo «Svaboda» ŭ 20 razoŭ mienšaja za aŭdytoryju «Chartyi», dyk treba zadumacca pra heta...»
«Viedajecie, ja liču, što za doŭhija hady dyktatury prykładna 80% niezaležnych žurnalistaŭ zavierbavany KDB», — takim čynam Bandarenka adkazaŭ na pytańnie žurnalistki «Narodnaj voli» Maryny Koktyš, što «ŭ apošni čas z boku žurnalistaŭ šmat narakańniaŭ nakont pracy sajta Chartyi». Vialikaje intervju z palitviaźniem publikujecca ŭ apošnim numary haziety.
«Što datyčyć narakańniaŭ, to nie dziŭna: Chartyja vyjhraje i ŭ niezaležnych vydańniaŭ, i nie ŭsie ź ich hatovyja da kankurencyi. Ale ja liču tak: kali aŭdytoryja sajta radyjo «Svaboda» ŭ 20 razoŭ mienšaja za aŭdytoryju «Chartyi», dyk treba zadumacca pra heta...»
Chartyju-sajt časam krytykujuć za skažeńnie infarmacyi, parušeńnie aŭtarskich pravoŭ pry pieradruku, a taksama za adnabokaść u padačy infarmacyi.
Chartyju jak palityčnuju hrupu, u svaju čarhu, mnohija ličać kanfliktnym radykałam u asiarodku apazicyi. Časta možna pačuć, što realnuju dziejnaść jana padmianiała pijaram i šumichaj u internecie. Na vybarach 2006 hoda chartysty padtrymlivali Milinkieviča. U 2010 hodzie jany vyłučyli Sańnikava. Niezaležnyja sacyjałahičnyja apytańni davali jamu da 15% hałasoŭ i druhoje miesca.
Kiraŭnik štaba Sańnikava Uładzimir Kobiec vyjšaŭ z turmy adnym ź pieršych. Paźniej jon atrymaŭ prytułak za miažoj i pryznaŭsia, što ŭ turmie jaho zavierbavali ŭzamien za vychad na svabodu.Sam Sańnikaŭ byŭ pamiłavany Łukašenkam paśla napisańnia adpaviednaha chadajnictva.
Vialikaja hrupa chartystaŭ paśla vybaraŭ vyjechała za miežy Biełarusi. U ich asiarodku naradziłasia ideja stvareńnia novaha emihracyjnaha ŭrada biełarusaŭ. Vykazvalisia dumki, što jaho maje ŭznačalić Andrej Sańnikaŭ. Heta było jašče ŭ časie źniavoleńnia apošniaha.
Ciapier čytajuć
Staŭ viadomy sens kryminalnaj «spravy strachaŭščykoŭ»11
Kamientary