Zbornaja Biełarusi pa futbole ŭ subotu praviała piaty adboračny matč da čempijanatu Eŭropy. Supiernik hetym razam byŭ nia samy mocny — kamanda Vialikaha hiercahstva Luksemburh. U eŭrapiejskim futbolnym rejtynhu luksemburžcy zajmajuć pieradapošni radok. Słabiej za ich u futboł hulajuć tolki ŭ San‑Maryna.
Zbornaja Biełarusi pa futbole ŭ subotu praviała piaty adboračny matč da čempijanatu Eŭropy. Supiernik hetym razam byŭ nia samy mocny — kamanda Vialikaha hiercahstva Luksemburh. U eŭrapiejskim futbolnym rejtynhu luksemburžcy zajmajuć pieradapošni radok. Słabiej za ich u futboł hulajuć tolki ŭ San‑Maryna. U svajoj historyi našy zbornyja hulali dva razy. U kastryčniku 1994 hodu ŭ Miensku biełarusy pieramahli 2:0, roŭna praz hod kamandy razyšlisia nulavoj ničyjoj.
Pačatak matču ź luksemburžcami byŭ dosyć prahnazavanym. Biełarusy atakavali — haspadary ŭsioj kamandaj abaranialisia. Varta adznačyć, što abaraniacca pradstaŭniki Vialikaha hiercahstva ŭmiejuć, u hetym adboračnym cykli jany prapuścili tolki čatyry hały, biełarusy ŭ dva z pałovaj razy bolej — 10. Niahledziačy na poŭny kantrol nad hulnioj, značnych momantaŭ našy futbalisty nie stvarali, pakul na 25‑aj chvilinie matču inicyjatyvu nia ŭziaŭ paŭabaronca Cimoch Kałačoŭ, jon prarvaŭsia ŭ štrafnuju i ŭdaryŭ u blizki vuhał. Biełarusy paviali 1:0. U druhim tajmie Vital Kutuzaŭ dalokim udaram padvoiŭ lik. U tyja chviliny luksemburžcy tolki zredčas ahryzalisia kontraatakami.
Na 68‑aj chvilinie napadnik haspadaroŭ Sahramoła adyhraŭ adzin hoł. Z toj chviliny ŭžo luksemburžcy vałodali inicyjatyvaj, a biełarusy źbivali čas. Zdavałasia, jašče kryšačku i nie paźbiehnuć nam haniebnaj ničyi. Adnak urešcie daciahnuli da finalnaha śvistka.
Pieramoha nad Luksemburham pavialičvaje šancy biełarusaŭ na ŭdzieł u Eŭra‑2008, bo dva astatnija matčy ŭ našaj hrupie skončylisia ŭ ničyju: Albanija — Słavienija 0:0, Halandyja — Rumynija 0:0.
Stanovišča ŭ hrupie ciapier vyhladaje nastupnym čynam (na čempijanat vyjdzie dźvie kamandy):
Hulni /Punkty
1. Halandyja 5/11
2. Baŭharyja 4/8
3. Rumynija 4/8
4. Biełaruś 5/7
5. Słavienija 4/4
6. Albanija 4/2
7. Luksemburh 4/0
Kamientary