Vajskovyja viedamstvy nie zdoleli dapamahčy ŭ vykupie «Vialikaha mastactva artyleryi»

Asoba Kazimira Siemianoviča niedaacenienaja i amal zabytaja na radzimie. Jon, žyŭ u časy, kali na palach bitvy panavała końnica. I z svajho stahodździa šablaŭ i pikaŭ Siemianovič zdoleŭ pabačyć kaśmičnuju eru. Pa padručniku «Vialikaje mastactva artyleryi», napisanym hetym vajarom i inžynieram, vučylisia amal trysta hadoŭ.

Ciapier u biełarusaŭ źjaviŭsia šaniec atrymać aryhinał słavutaha traktata. Mahiloŭski histaryčny muziej, jaki ŭžo viarnuŭ Biełarusi Statut VKŁ, inicyjavaŭ zbor srodkaŭ na vykup knihi Siemianoviča «Vialikaje mastactva artyleryi». Vydańnie pradajecca na internet-aŭkcyjonie i kaštuje 15 tysiač jeŭra. Entuzijazm Statuta nie paŭtaryŭsia — hrošy źbirajucca nie tak chutka, kaža student Andrej Radkoŭ, jaki adšukaŭ infarmacyju pra prodaž unikalnaj knihi ŭ Siecivie.

Na dadzieny momant sabrana ŭsiaho trochi bolš za try miljony rubloŭ.

Što ž heta za kniha? Siemianovič pačaŭ zachaplacca artyleryjaj z rańnich hadoŭ. Paźniej jon udzielničaŭ u šmatlikich vajennych pachodach, (u tym liku ŭ Tryccacihadovaj vajnie, bitvie vojskaŭ Rečy Paspalitaj z tatarami pad Achmatavam). Jon razumieŭ rolu i siłu artyleryi i chacieŭ zacikavić joj suajčyńnikaŭ. Šlachta ž ličyła spravu artylerysta nižej svajoj rycarskaj hodnaści, ad čaho pakutavała vojska i dziaržava ŭ cełym. «Vialikaje majsterstva artyleryi» — sproba navukova razhladzieć vajskovuju spravu, dać vajaram tearetyčnyja viedy, jakija dapamahli b pieramahać.

Siemianovič u svajoj knizie pisaŭ, što «zaachvociła i schiliła jaho da napisańnia „Artyleryi“, žadańnie pasłužyć Ajčynie i surodzičam…»

Nieŭzabavie Siemianovič zahinuŭ pry zahadkavych abstavinach — historyki dapuskajuć, što navukoviec byŭ zabity

Pa słovach ekśpierta Źmitra Jackieviča, što pravioŭ papiarednija daśledavańni, kniha znachodzicca ŭ vydatnym stanie, i jaje sapraŭdnaść nie vyklikaje sumnievaŭ —

całkam zachavalisia dva dziasiatki hraviuraŭ ruki samaho Siemianoviča,

Mała chto viedaje, adnak mienavita ŭ «Vialikim mastactvie artyleryi» ŭpieršyniu źjaviłasia apisańnie šmatstupienčataj rakiety — pieršaha pravobraza sučasnych kaśmičnych rakiet.

pa śviedčańniach bijohrafaŭ rasiejskaha vučonaha Cyjałkoŭskaha, jaho znajomstva z rakietnaj spravaj pačynałasia z pracaŭ Siemianoviča.

Sumnievaŭ u tym, što asobnik «Vialikaha mastactva» musić być u Biełarusi niama. Zastajecca adviečnaja prablema — hrošy. Vajskovyja viedamstvy, da jakich źviarnulisia inicyjatary, nie zmahli dapamahčy vykupić knihu: spasłalisia na toje, što ich biudžety byli raźmierkavanyja raniej. Takim čynam, usie spadziavańni na entuzijastaŭ i ludziej, nieabyjakavych da svajoj historyi.

Hrošy na nabyćcio knihi možna pieraličvać na adras abo na rachunak «Muzieja historyi Mahilova»:

UK «Muziej historyi Mahilova»

212030 h. Mahiloŭ, vuł. Leninskaja, 1, A, teł. 22-99-46

UNP 790203960

Filijał 700 MAU AAT «ASB Biełarusbank» MFA 153801536

r/r 3642014673147

h. Mahiloŭ, vuł. Pieršamajskaja, 71

Dyrektar Baciukoŭ Alaksiej Mikałajevič

U paznačeńni płaciaža ukazvać «Na raźvićcio muziejnaj spravy i achovu historyka-kulturnaj spadčyny (dla kupli knihi K. Siemianoviča «Vialikaje mastactva artyleryi»).

Sačyć za kolkaściu pieraličanych hrošaj možna tut.

• 0
• 0
• 0
• 0
• 0
• 0
• 0
• 0