Biełaruski spadarožnik dystancyjnaha zandziravańnia Ziamli zapuščany siońnia z kasmadroma Bajkanur u Kazachstanie.
Zapusk adbyŭsia ŭ 9 hadzin 41 chvilinu pa minskim časie. Biełaruski kaśmičny aparat (BKA) zapuščany ŭ kosmas u kłastary ź piaci kaśmičnych aparataŭ — razam z rasijskim kaśmičnym aparatam «Kanopus-V», rasijskim MKA-FKI («Zond-PP»), niamieckim TET-1 i kanadskim ADS-1B.
Prykładna za 43 chviliny biełaruski spadarožnik budzie vyviedzieny rakietaj kaśmičnaha pryznačeńnia «Sajuz-FH» z razhonnym błokam «Frehat» na arbitu, blizkuju da pracoŭnaj, jakaja składaje kala 500-520 km.
Biełaruski kaśmičny aparat zabiaśpiečyć poŭnaje pakryćcio terytoryi Biełarusi kaśmičnaj zdymkaj. Jon budzie lahčejšy za papiaredni, i bolš manieŭrany: jaho vaha składzie amal 400 kh, raspaznavańnie — amal 2 m. Dziakujučy zapusku spadarožnika Biełaruś zmoža stvaryć samastojnuju sistemu dystancyjnaha zandziravańnia Ziamli, jakaja daść mahčymaść admovicca ad pasłuh inšych dziaržaŭ pa pytańniach atrymańnia i apracoŭki kaśmičnaj infarmacyi.
Ciapier čytajuć
Miaža Biełarusi ź Litvoj budzie zakryta minimum da sierady13
Kamientary