Hihin adreahavaŭ na zajavy Łukašenki pra samalot. Niecenzurna — aŭdyjo
«Ja, b..., radyjo «Svaboda» ničoha, prabačcie, ničoha ni paćviardžać, ni abviarhać nie źbirajusia».
Hałoŭny redaktar časopisa «Biełaruskaja dumka» Vadzim Hihin paśla paviedamleńniaŭ niezaležnych ŚMI ab prylocie ŭ Biełaruś šviedckaha samalota nazvaŭ dziaržaŭnaj infarmacyjnaj ahiencyi BiełTA dziesiać punktaŭ, jakimi abhruntavaŭ niemahčymaść takoj padziei.
U artykule «Paloty ŭ śnie i na javie» jon vykazaŭ niedavier niezaležnym žurnalistam i padkreśliŭ svaju vieru ŭ moc biełaruskaj dziaržavy.
«Niestykovak, nievytłumačalnych faktaŭ, supiarečnaściaŭ zanadta šmat, kab pavieryć u historyju ź pierasiačeńniem miažy. Navošta ž spatrebiłasia hetaja pravakacyja? Dyskredytavać biełaruskija Ŭzbrojenyja Siły, pasiejać niedavier da ich bajazdolnaści, dy da taho ž nanieści ŭdar naŭprost pa hienierałach, jakija nie raz davodzili svaju addanaść Ajčynie. Ale ničoha nie ŭdasca! I zamoŭcy hetaj pravakacyi, i haspadary Pačobuta (chutčej za ŭsio, heta adny i tyja ž asoby) vydatna viedajuć siłu i biełaruskaj armii, i našaj sistemy SPA. I asabista ja nikomu nie raju sprabavać pravieryć jaje na tryvałaść», — zajaviŭ tady Vadzim Hihin.
A voś jak Vadzim Hihin prakamientavaŭ «Svabodzie» svaje vykazvańni paśla taho, jak prylot šviedskaha samalota ŭ Biełaruś pryznaŭ Alaksandar Łukašenka:
«Vy ŭ svoj čas vykazvali ćviordaje pierakanańnie, što hetaha samalota...»
Hihin: «Vy nie chłusicie, nijakich pierakanańniaŭ ja nie vykazvaŭ nakont samalota. Vy artykuł pračytajcie».
«Ale vy svaje zajavy paćviardžajecie hetaksama, jak i raniej, ci...?»
Hihin: «Ja, b..., radyjo «Svaboda» ničoha, prabačcie, ničoha ni paćviardžać, ni abviarhać nie źbirajusia. Zrazumieła? Vy pieratelefanujcie kamu-niebudź inšamu. Što vy mnie telefanujecie?!»
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ6
Kamientary