Da analizu ekspartu Biełaruśsiu rastvaralnikaŭ i razbavicielaŭ pryciahnutyja śpiecyjalisty Śledčaha kamiteta Rasii, paviedamlaje RIA Novosti sa spasyłkaj na krynicu ŭ orhanach dziaržkiravańnia.
Pavodle jaje źviestak, urad Rasii praciahvaje zajmacca analizam «sumniŭnaha ekspartu rastvaralnikaŭ, razbavicielaŭ i zmazačnych materyjałaŭ» ź Biełarusi, bo ŭ hetych schiemach udzielničali taksama rasijskija kampanii.
U kancy lipienia mižviedamasnaja rasijskaja hrupa z pradstaŭnikoŭ profilnych dziaržstruktur pad kiraŭnictvam Fiederalnaj mytnaj słužby praviarała lehalnaść vytvorčaści i ekspartu rastvaralnikaŭ i razbavicielaŭ z terytoryi Biełarusi. Vynikam raboty hetaj hrupy stała spynieńnie rasijskimi naftavymi kampanijami pastavak ŭ Biełaruś nafty — praduktu naftapierapracoŭki, jaki źjaŭlajecca syravinaj dla vytvorčaści rastvaralnikaŭ i razbavicielaŭ.
Pavodle nieaficyjnych acenak, straty rasijskaha biudžetu ŭ 2012 hodzie
U toj ža čas Biełaruś nie čakaje źmianieńnia ŭmoŭ impartu rasijskaj nafty paśla spynieńnia pastavak nafty rasijskimi naftavymi kampanijami, paviedamiła krynica. «Niama nijakich padstaŭ, kab unosić źmianieńni va ŭžo ŭzhodnieny z Rasijaj bałans pa abjomach pastavak rasijskaj nafty ŭ Biełaruś, a taksama mianiać umovy hetych pastavak. Ekspart razbavicielaŭ, rastvaralnikaŭ i zmazačnych materyjałaŭ nie maje dačynieńnia da hetaj paliŭnaj schiemy. Taksama dobra viadoma, što biełaruskija NPZ nie zajmalisia vytvorčaściu i ekspartam rastvaralnikaŭ, razbavicielaŭ i zmazačnych materyjałaŭ», — skazaŭ suraŭmoŭca ahienctva.
Ciapier čytajuć
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1616
Kamientary