U ZŠA prakuratura vystaviła abvinavačańni žycharu štata Paŭnočnaja Karalina Donte Džamar Simsu, jaki ŭ svaim mikrabłohu ŭ Twitter raźmiaściŭ pahrozy ŭ adras prezidenta krainy Baraka Abamy, pieradaje CNN.
U jakaści pakarańnia dla padsudnaha prakuror zapatrabavaŭ da piaci hadoŭ pazbaŭleńnia voli i štrafu ŭ pamiery $250 tys.
«Sakretnaja słužba ničoha nie zmoža zrabić, kali ja nakiruju vintoŭku Baraku ŭ łob», — napisaŭ
U zapisie, zroblenym u dzień źjezdu Demakratyčnaj partyi ZŠA, kandydatam ad jakoj vyłučany Abama, jon udakładniŭ, što stanie «zabojcam prezidenta siońnia ŭviečary».
Paśla aryštu Sims całkam pryznaŭ svaju vinu, padkreśliŭšy, što adčuvaje da dziejnaha kiraŭnika dziaržavy «vostruju nianaviść». Jon raskazaŭ, što na momant publikacyi pahroz u Twitter znachodziŭsia pad uździejańniem marychuany, adnak całkam uśviedamlaŭ svaje dziejańni. Pavodle słovaŭ žurnalistaŭ, jakija prysutničali ŭ sudzie, kali palicyjanty začytvali zroblenyja Simsam zapisy, abvinavačany ŭśmichaŭsia.
Pamior 50-hadovy śpiecnazaviec Bućko. Jon byŭ udzielnikam vykradańnia i zabojstva Zacharanki i Hančara37
Kamientary