«Z trenieram my nie stavili niejkija miedalnyja płany, prosta pracavali na vynik».
Piacirazovy čempijon Paralimpijady ŭ Łondanie18-hadovy biełaruski płyviec Ihar Bokij razhladaje mahčymaść pierachodu ŭ zvyčajny sport. Pra heta spartsmien zajaviŭ 12 vieraśnia paśla viartańnia ŭ Minsk.
«Tak, ja sapraŭdy padumvaju pra vystupleńnie ŭ zvyčajnym sporcie. Mnie treba dla hetaha bolš treniravacca i poŭnaściu addavacca płavańniu. Liču, heta realna. Čamu ja zadumvajusia pra pierachod u zvyčajny sport? Na moj pohlad, nie treba spyniacca na dasiahnutym», — skazaŭ atlet.
Bokij adznačyŭ, što pakazaŭ u Łondanie «maksimalny vynik, na jaki byŭ hatovy». Pavodle słoŭ płyŭca, uzrovień paralimpijskich spabornictvaŭ pa płavańni byŭ davoli vysoki.
Na Hulniach ja zmahaŭsia na kožnaj dystancyi. Na ščaście, atrymałasia damahčysia takoha pośpiechu. Ja nie mahu vyłučyć niejki adzin miedal, jany ŭsie dla mianie darahija», — skazaŭ Bokij.«Pryznacca, nie čakaŭ, što zavajuju takuju kolkaść uznaharod. Z trenieram my nie stavili niejkija miedalnyja płany, prosta pracavali na vynik.
U ŚMI Bokija paśla jaho pośpiechu ŭ Łondanie pačali paraŭnoŭvać ź lehiendarnym amierykanskim płyŭcom Majkłam Fełpsam.
Biełarus u suviazi z hetym adznačyŭ: «Viadoma, pryjemna takoje paraŭnańnie. Zaraz buduć imknucca pierasiahnuć Fiełpsa».
Na letnich Paralimpijskich hulniach u Łondanie biełaruskija spartsmieny zavajavali 10 miedaloŭ: piać załatych, dva siarebranyja i try bronzavyja.
Kamientary