Apostalski nuncyj sustreŭsia z Paŭłam Sieviaryncam.
Apostalski nuncyj u Biełarusi, arcybiskup Kłaŭdya Hudžeroci ŭ Kuplinie sustreŭsia z palitviaźniem, sustaršynioj arhkamiteta pa stvareńni partyi «Biełaruskaja chryścijanskaja demakratyja» Paŭłam Sieviaryncam.
Sustreča adbyłasia ŭ ramkach naviedvańnia nuncyjem biełaruskich palitviaźniaŭ. Jana prajšła ŭ kabiniecie načalnika speckamiendatury.
Hudžeroci vykazaŭ Sieviaryncu «słovy padtrymki i ŭvahi».Jany «pahavaryli pra palitviaźniaŭ». Sieviaryniec paprasiŭ arcybiskupa paspryjać dałučeńniu kaścioła da kampanii BCHD «Za siamiejnyja kaštoŭnaści», u ramkach jakoj płanujecca ŭnieści źmieny ŭ zakon ab achovie zdaroŭja.
Nuncyj paviedamiŭ, što da źniavolenaha ŭ Babrujsku pravaabaroncy Alesia Bialackaha dniami zmoh trapić katalicki śviatar.Hudžeroci pieradaŭ vitańni biełaruskim palitviaźniam ad Papy i paviedamiŭ, što ŭ kastryčniku źbirajecca sustrecca ŭ Rymie ź Bieniedyktam XVI.
Sieviaryniec «vykazaŭ padziaku apostalskamu nuncyju i ŭsiamu akredytavanamu ŭ Biełarusi dypkorpusu za vizit i ŭvahu». Padčas prezidenckich vybaraŭ 2010 hoda palityk kiravaŭ štabam kandydata ŭ prezidenty Vitala Rymašeŭskaha. 16 maja 2011 hoda jon byŭ asudžany da 3 hadoŭ abmiežavańnia voli pa č. 1 art. 342 Kryminalnaha kodeksa (arhanizacyja i padrychtoŭka dziejańniaŭ, jakija parušajuć hramadzki paradak, abo aktyŭny ŭdzieł u ich).
Kamientary