Telefonny teraryzm: Kaardynatarka BCHD atrymlivaje sotni zvankoŭ z prośbaj pradać aŭtamabil
Mabilnik Taisii Kabančuk «razryvajecca» šosty dzień.
Nieviadomy na haradskim sajcie Babrujska raźmiaściŭ numar telefona kaardynatarki BCHD pa Mahiloŭskaj vobłaści Taisii Kabančuk.
Nibyta žančyna za 200 dalaraŭ pradaje aŭtamabil «Žyhuli», a za 70 zdaje kvateru.
Takaja abviestka źjaviłasia 23 vieraśnia. I tolki ŭ hety dzień Taisija naličyła 280 telefanavańniaŭ. Siońnia na sajcie abviestki my nie adšukali, ale zvanki praciahvajucca. Joj davodzicca adklučać pieryjadyčna svoj mabilnik, kab nie dakučali.
27 vieraśnia žančyna źviarnułasia z zajavaj u milicyju.
«U hetym zacikaŭleny tyja, chto zajmajecca takimi pravakacyjami. Chto rasklejvaje pa horadzie ŭlotki ź iłžyvaj infarmacyjaj pra mianie. Chto łović nas na vakzałach, kab nie dapuścić na roznyja mierapryjemstvy», — adznačaje spn. Kabančuk. Źviazaje ž heta z vybarami, na jakich jana była niezaležnaj naziralnicaj u Babrujsku na adnym z učastkaŭ. A taksama kaardynavała pracu inšych naziralnikaŭ.
Ciapier Taisija Kabančuk, kali joj tełafanujuć, tłumačyć ludziam navošta była raźmieščana takaja abviestka ź jaje numaram: kab adciahnuć ad pracy. «Ludzi žachajucca, kali čujuć takoje».
Vaskrasienski: Adkryvajecca nieba — i Aleś Bialacki adrazu vychodzić31
Kamientary