Тэлефонны тэрарызм: Каардынатарка БХД атрымлівае сотні званкоў з просьбай прадаць аўтамабіль
Мабільнік Таісіі Кабанчук «разрываецца» шосты дзень.
Невядомы на гарадскім сайце Бабруйска размясціў нумар тэлефона каардынатаркі БХД па Магілёўскай вобласці Таісіі Кабанчук.
Нібыта жанчына за 200 даляраў прадае аўтамабіль «Жыгулі», а за 70 здае кватэру.
Такая абвестка з’явілася 23 верасня. І толькі ў гэты дзень Таісія налічыла 280 тэлефанаванняў. Сёння на сайце абвесткі мы не адшукалі, але званкі працягваюцца. Ёй даводзіцца адключаць перыядычна свой мабільнік, каб не дакучалі.
27 верасня жанчына звярнулася з заявай у міліцыю.
«У гэтым зацікаўлены тыя, хто займаецца такімі правакацыямі. Хто расклейвае па горадзе ўлёткі з ілжывай інфармацыяй пра мяне. Хто ловіць нас на вакзалах, каб не дапусціць на розныя мерапрыемствы», — адзначае спн. Кабанчук. Звязае ж гэта з выбарамі, на якіх яна была незалежнай назіральніцай у Бабруйску на адным з участкаў. А таксама каардынавала працу іншых назіральнікаў.
Цяпер Таісія Кабанчук, калі ёй тэлафануюць, тлумачыць людзям навошта была размешчана такая абвестка з яе нумарам: каб адцягнуць ад працы. «Людзі жахаюцца, калі чуюць такое».
Цяпер чытаюць
Ціханоўскі: Я ж не ведаў, што людзі баяцца паказваць твары і баяцца за сваіх сваякоў! Я набіваю гузы сам12
Каментары