Čynoŭnik-nieviartaniec: były kiraŭnik Bresckaj vobłaści pracuje ŭ Kalininhradzie
Paśla zaviaršeńnia dziaržaŭny karjery vysokija čynoŭniki addajuć pieravahu lubić Radzimu zdalok.
Jašče adzin prykład hetamu — były kiraŭnik Bresckaha abłvykankama Uładzimir Załamaj. Niadaŭna bresckija žurnalisty sutyknulisia z Załamajem u ... Kalininhradzie. Na vizitoŭcy — kalininhradski adras i pasada — vykanaŭčy dyrektar TAA «Bałtyjskaja handlovaja kampanija». Tłumačeńnie taho, čamu źjechaŭ z chvalenaj radzimy i ad jaje paradkaŭ, čamu biźnies viadzie nie ŭ Biełarusi, a ŭ Rasii, były kiraŭnik Brestčyny daŭ dosyć cyničnaje.
«Razumiejecie, ja tvorčaja natura, mnie prosta nieabchodna prastora dla razvažańniaŭ, — skazaŭ Załamaj haziecie «Viačerni Brest». — A ź vialikaj adlehłaści lepš bačycca. Znachodziačysia ŭdalečyni ad radzimy, ja mahu paraŭnoŭvać, analizavać padziei i dziejničać, vykarystoŭvajučy vopyt. A heta, u svaju čarhu, daje mahčymaść acanić i svaje ŭčynki".
«Biełaruski premjer Siarhiej Sidorski paru hadoŭ tamu pasadziŭ u Kalininhradzie biarozku. Taksama jon udzielničaŭ razam ź miascovym kiraŭnictvam u zakładcy simvaličnaha kamienia budučaha skviera biełaruska-rasijskaj družby. Skvier na vulicy Kutuzava adkryli ŭ vieraśni 2008 hoda. U centry staić skulpturnaja kampazicyja, pa kole ŭstanoŭleny tumby z hierbami abłasnych centraŭ biełaruskich rehijonaŭ, u tym liku hierb Bresta, i šeść łavak, što ŭvasablajuć vobłaści Biełarusi. Tak što dla bieraściejcaŭ u Kalininhradzie vyznačana śpiecyjalnaja łaŭka, kab prysieści i ŭspomnić ab Radzimie », — raspavioŭ Uładzimir Załamaj.
Uładzimir Alaksandravič Załamaj. Paśla zakančeńnia Minskaha radyjotechničnaha instytuta ŭ 1968 hodzie maładym śpiecyjalistam va ŭzroście 28 hadoŭ pryjechaŭ na Brescki elektramiechaničny zavod. Z 1973 hoda — sakratar partkama zavoda. Z kastryčnika 1975 hoda — zahadčyk pramysłova-transpartnaha adździeła Bresckaha abkama KPB. 1978-1980 — vučoba ŭ Akademii hramadskich navuk pry CK KPSS. U 1980-m abrany pieršym sakratarom Baranavickaha harkama partyi. U 1986-1989 U. Załamaj pracavaŭ sakratarom Bresckaha abkama KPB pa pramysłovaści. U 1989-1994 — namieśnikam staršyni Bresckaha abłvykankama, namieśnikam staršyni Savieta ministraŭ Respubliki Biełaruś, Dziaržaŭnym sakratarom pa spravach SND. Sa śniežnia 1994 pa 2000 hod — staršynia Bresckaha abłvykankama. Paśla hetaha vosiem hadoŭ kiravaŭ adździaleńniem biełaruskaj ambasady ŭ Kalininhradzie.
Ciapier čytajuć
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak2
Kamientary