Jakimi lhotami karystajucca deputaty

Na hetaje pytańnie adkazvaje Nacyjanalny pravavy internet-partał

Ilhoty ŭ sfery žyllovych adnosinaŭ

Słužbovaje žyllo ŭ Miensku dla pražyvańnia ź siamjoj dajecca nie paźniej za šeść miesiacaŭ «ad pačatku pracy na prafesijnaj asnovie». Heta tyčyć deputataŭ Pałaty pradstaŭnikoŭ i senataraŭ, što nia majuć žylla ŭ Miensku abo znachodziacca na ŭliku dla palapšeńnia žyllovych umovaŭ.

Da momantu atrymańnia słužbovaha žylla vyšejzhadanaj katehoryi narodnych abrańnikaŭ vydzialajucca dvuchmiesnyja numary ŭ hateli albo pahašajucca vydatki pa najmie žytła ŭ paradku i pamiery, vyznačanym zakanadaŭstvam.

Pavodle zajaŭki inšaharodniaha deputata, ci čalca Savieta Respubliki, zamiž vydzialeńnia hatelnaha numaru, jon moža atrymać kampensacyju vydatkaŭ na najom žytła. Zasialeńnie ž u hatel dla deputataŭ parlamentu pazačarhovaje.

Isnujuć taksama ilhoty na karystańnie pasłuhami suviazi, pieršačarhovaje ŭstalavańnie kvaternaha telefonu. 50‑adsotkavaja źnižka pry apłacie za karystańnie telefonam (akramia mižharodnych i mižnarodnych razmovaŭ.

Ilhoty na prajezd

Deputaty i čalcy SR majuć prava karystacca pavietranym, čyhunačnym, aŭtamabilnym, vodnym i ŭsimi vidami haradzkoha i pryharadnaha pasažyrskaha transpartu (za vyniatkam taksi) u časie vykanańnia paŭnamoctvaŭ na terytoryi Biełarusi za košt srodkaŭ, vyłučanych z respublikanskaha biudžetu na finansavańnie parlamentu.

Praduhledžana vypłata kampensacyjaŭ za vykarystańnie asabistaha aŭtatranspartu ŭ suviazi z vykanańniem deputackaj dziejnaści ŭ paradku i pamiery, vyznačanym zakanadaŭstvam.

Deputaty i čalcy SR majuć prava karystacca zalami aficyjnych delehacyjaŭ aerapartoŭ, čyhunačnych i račnych vakzałaŭ.

U vypadku prypynieńnia paŭnamoctvaŭ, ci skančeńnia ich terminu, deputaty i čalcy SR, što pražyvajuć na dzień spynieńnia paŭnamoctvaŭ u słužbovaj kvatery ŭ Miensku, majuć prava na biaspłatny prajezd i biaspłatny pravoz majomaści na miesca stałaha pražyvańnia.

Ilhoty ŭ sfery pracoŭnych adnosinaŭ

Vyzvaleńnie ad pryzyvu na dziejsnuju vajskovuju albo alternatyŭnuju słužbu, ad pryzyvu na vajskovyja zbory (na čas vykanańnia deputackich paŭnamoctvaŭ)

Pradstaŭleńnie štohadovaha apłočvanaha adpačynku praciahłaściu 36 kalandarnych dzion.

Inšyja ilhoty

Abaviazkovaje dziaržaŭnaje asabistaje strachavańnie na vypadak śmierci (hibieli), kalectva albo inšaha paškodžańnia zdaroŭja, źviazanych z vykanańniem słužbovych abaviazkaŭ, a taksama na vypadak chvaroby ci straty pracazdolnaści na momant vykanańnia paŭnamoctvaŭ, pavodle ŭmovaŭ, vyznačanych dla ministra Respubliki Biełaruś, z vypłataj strachavych sumaŭ:

u vypadku śmierci členam ich siemjaŭ niezaležna ad vypłataŭ pa dziaržstrachavańni i sacyjalnym zabieśpiačeńni adzinačasovaja dapamoha (20 b.v.) za košt srodkaŭ respublikanskaha biudžetu;

u vypadku atrymańnia kalectva ci inšych paškodžańniaŭ zdaroŭja, što paciahnuli za saboj stałuju stratu pracazdolnaści ŭ suviazi sa ździajśnieńniem paŭnamoctvaŭ, štomiesiačna vypłačvajecca kampensacyja ŭ pamiery roźnicy pamiž miesiačnym zarobkam na momant vypłaty kampensacyi i pryznačanaj pensii biez zaliku vypłataŭ strachavych sumaŭ pa dziaržstrachavańni.

Vypłata vychadnoj dapamohi ŭ pamiery, vyznačanym dla ministra Respubliki Biełaruś

Na partale pravo.by možna pacikavicca taksama, jakimi lhotami karystajucca supracoŭniki siłavych strukturaŭ, sudździ i prakurory.

• 0
• 0
• 0
• 0
• 0
• 0
• 0
• 0