Raniej Alaksandr Šamko zajmaŭsia ŭ asnoŭnym nastupstvami pavodak i pažaraŭ, ciapier jamu prydziecca adkazvać za ajčynny sport. Vyhladaje, što stan u hetym viedamstvie pryznali katastrafičnym, kali na dapamohu paklikali prafiesijnaha ratavalščyka.
Pryciahnuli za vušy, što Šamko kuryravaŭ zbornuju Biełarusi pa
Zrešty, u ministerstva sportu ŭžo stavili čałavieka, jaki byŭ vielmi daloki ad hetaj śfiery. U studzieni 2003 ministram staŭ hienierał, tankist Jury Sivakoŭ. I -paradoks — jon badaj i byŭ najlepšym kiraŭnikom viedamstva za apošniaje dziesiacihodździe.
Łukašenka na minułym pasiadžeńni NAK nie adkryŭ Amieryki, skazaŭšy, što Ministerstva sportu zahrazła ŭ karupcyi. Pačytajcie chacia b materyjały Śviatłany Paramyhinaj na hetuju temu ŭ «Priessbole». Chabarnictva, adkaty, intryhi — zvyčajnaja sprava.I Sivakoŭ byŭ, ci nie adzinym, chto choć niejak sprabavaŭ zmahacca z hetymi źjavami. Jon byŭ absalutny nieafit u sporcie, jamu było ciažka. Tym nie mienš, pry im Ministerstva, chaj na karotki pieryjad, pierastała być zakrytaj dla čužakoŭ siektaj pa intaresach.
Sam Sivakoŭ vykazaŭsia, što ŭ supracoŭnikaŭ Minsporta była «alerhija» na jaho. Niadaŭna
Pažarnamu Alaksandru Šamko nie budzie lahčej za Sivakova. Ale jon maje biezumoŭnyja pieravahi ŭ tym, što źviazany z kiroŭnymi spartovymi kłanami. Heta raźviazvaje jamu ruki dla mnohich niepapularnych rašeńniaŭ. Jasna, što znoŭ daviadziecca ciažka, spatrebicca čas, kab uniknuć u spravy.A kali na sočanskaj alimpijadzie, ci na jakim čempijanacie śvietu pa chakiei, zdarycca pravał, dzie harantyja, što Šamko nie budzie adpraŭleny ŭ adstaŭku, jak papiaredniki. Kiraŭnictva krainy nie daje času, patrabuje imhniennych vynikaŭ. Zrešty, nie fakt, što Šamko budzie cikava varušyć hetaje bałota.
Chacia nasamreč na hetuju pasadu sapraŭdy lepš pryznačać byłoha spartoŭca, čałavieka, jaki viedaje hety śviet znutry. Naprykład, niadaŭna paŭžartam, napałovu ŭsurjoz pra žadańnie zaniać kresła ministra zajaŭlaŭ prasłaŭleny himnast Vital Ščerba. Jon daŭno žyvie ŭ Amierycy, maje tam ułasny biznes. Naŭrad ci ŭ jaho budzie žadańnie ŭdzielničać u raśpiłach. Chiba što, pražyŭšy stolki hadoŭ za akijanam, Ščerba dla siońniašniaj ułady nie da kanca «svoj».
U Łahojsku piekar admaŭlajecca pradavać svoj chleb pakupnikam, u jakich jość sabaki84
Kamientary