«Klanusia, što karupcyi, podkupu ŭ pracesie vybaraŭ nie było. Ja nikoli heta nie inicyjavaŭ i nie budu. Liču, što heta źniavaha dla mianie i źniavaha dla vas. Nikoli hetaha nie budzie»,— zajaviŭ Alaksandr Łukašenka 12 listapada na sustrečy sa studentami i vykładčykami fakulteta mižnarodnych ekanamičnych adnosin Biełaruskaha dziaržaŭnaha ekanamičnaha ŭniviersiteta.
«Ja razumieju, što nikoli nie sfalsifikuješ vybary, kali budzie adnaznačnaje hałasavańnie suprać ciabie»,— cytuje Łukašenku jaho
Pry hetym jon raskrytykavaŭ vybary ŭ ZŠA, da nazirańnia za jakimi, adznačyŭ biełaruski kiraŭnik, nie byli dapuščany pradstaŭniki ABSIE, a ŭsia ŭvaha była addadziena tolki dvum asnoŭnym kandydatam — Baraku Abamie i Mitu Romni.
«Astatnich tolki za sprobu dyskutavać z hetymi dvuma „kitami“ pierasadžali ŭ turmu. Voś i ŭsia demakratyja,— kanstatavaŭ Łukašenka. — A ŭ nas treba pryjechać, padkasaŭšy rukavy, sa svaim statutam uleźci ŭ naš aharod i nas vučyć. Nie treba, my sami praviadziem vybary».
Kažučy pra palityku sankcyj Zachadu ŭ dačynieńni da Biełarusi, Łukašenka zajaviŭ: «Čamu Jeŭrasajuz na škodu svaim hramadzianam sprabuje ŭvieści sankcyi ŭ dačynieńni da Biełarusi — heta, napeŭna, pytańnie da ich. U nas sapraŭdy vialiki tavaraabarot ź ES, a ekspart navat krychu vyšejšy, čym u Rasijskuju Fiederacyju. Tamu nam nikudy nie dziecca ad supracoŭnictva ź Jeŭrapiejskim sajuzam, i ich intaresy šmat u čym pierasiakajucca ŭ Biełarusi. Čamu pradjaŭlajuć pretenzii? Im nie padabajecca naša samastojnaść, im nie padabajecca toje, jak my tut viadziem spravy, im chaciełasia b bačyć tut va ŭładzie svaich ludziej. Ale heta nie ich sprava — heta naša sprava».
Ciapier čytajuć
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary