Kirył Rudy raskazaŭ, čym biełaruskija ajcišniki adroźnivajucca ad indyjskich
Były pamočnik Łukašenki i pasoł Biełarusi ŭ Kitai, doktar ekanamičnych navuk, prafiesar Kirył Rudy, jaki ciapier žyvie i pracuje ŭ Abjadnanych Arabskich Emiratach, daŭ intervju jutub-kanału kanał iTerki, u jakim siarod inšaha parazvažaŭ pra toje, u čym pieravahi i niedachopy biełaruskich ajcišnikaŭ u paraŭnańni ź indyjskimi.
«My pracujem na mnohich rynkach, i jość u mianie prykład z arabskich krain, z Abjadnanych Arabskich Emirataŭ: tam pastajannaja kankurencyja ź indyjcami, pryčym ceny ŭ prahramistaŭ ź Indyi zaŭsiody nižejšyja — jak minimum na 20%. A kali jany prydumajuć niejkuju chitraść, to i ŭ razy nižejšyja. I my stanovimsia prosta niekankurentazdolnyja, i składana rastłumačyć, čamu tak adbyvajecca», — adznačyŭ Kirył Rudy.
Ale, niahledziačy na składanaść pytańnia, jon sam sprabuje dać na jaho «moža i niepadrychtavany, ale ŭsio ž navukovy adkaz», zasnavany na daśledavańni, praviedzienym u miežach kampanii. Padčas jaho zadavalisia pytańni biełaruskim i indyjskim prahramistam, sprabujučy znajści kulturnyja adroźnieńni pamiž imi.
«Ščyra kažučy, usio bolš atrymlivajecca na karyść indusaŭ, jak ni dziŭna, kali havaryć pra tak zvanyja skiły, źviazanyja z haryzantalnym ci viertykalnym kiravańniem», — kanstatuje Rudy.
«Naprykład, zvyčajna ajcišniki addajuć pieravahu haryzantalnamu kiravańniu, bolš niazmušanaj atmaśfiery, kali ŭsie kalehi padkazvajuć adzin adnamu, a nie kali načalnik źvierchu ŭsio viedaje lepš i tolki jon razdaje ŭkazańni.
I voś indyjcy bolš schilnyja da takoha haryzantalnaha kiravańnia, i heta ich pieravaha ŭ paraŭnańni ź biełarusami, jakija chutčej kirujuć viertykalna», — tłumačyć jon.
Ale ŭ biełarusaŭ taksama jość pieravahi:
«My bolš talerantnyja da inšych nacyj, da ludziej inšaj seksualnaj aryjentacyi, inšaj palityčnaj pazicyi, inšaha hiendaru. Heta zrazumiełaja historyja. Tamu, kali havorka idzie pra rynki, dzie hetyja kaštoŭnaści bolš važnyja dla klijenta, mienavita tam biełarusy mohuć być bolš zapatrabavanyja. Bolš za toje, biełarusy ŭ pryncypie bolš adkrytyja da ludziej inšaj nacyjanalnaści i navat da tych, kaho bačać upieršyniu, u adroźnieńnie ad indyjcaŭ».
Da taho ž:
«Biełarusy nie tak mocna zacyklenyja na honary za radzimu, mienš relihijnyja i mienš aryjentavanyja na siamiejnyja kaštoŭnaści. Dla indyjcaŭ ža heta vielmi istotna — jany šmat času pryśviačajuć siamji, nacyjanalnym i relihijnym śviatam. Tamu kali nie adpuścić indyjskaha ajcišnika, naprykład, na viasielle ci na relihijnaje śviata, prajekt moža sarvacca».
Uličvajučy ŭsio heta, padsumoŭvaje Rudy:
«biełarusy lepšyja dla doŭhaterminovych prajektaŭ, a indyjcy bolš efiektyŭnyja ŭ karotkaterminovych, chutkich prajektach, dzie patrabujecca maksimalnaja pradukcyjnaść».
Ciapier čytajuć
Finalistak konkursu «Mis Biełaruś — 2025» vyvieli na scenu ŭ kaściumach z cytatami Łukašenki28
Kamientary