Pratestoŭcy-zumiery ŭ Niepale zajavili, što kraina pierajšła pad ich poŭny kantrol
Prezident Niepała taksama padaŭ u adstaŭku.
Pratestoŭcy ŭ Niepale paviedamili, što kraina pierajšła pad ich kantrol, pieradaje India Today. Jany taksama zaklikali pačać padrychtoŭku da vybaraŭ i padkreślili nieabchodnaść farmiravać novy ŭrad.
Prezident Ram Čandra Paŭdeł padaŭ u adstaŭku.
Niekalkimi hadzinami raniej premjer-ministr Šarma Oli padaŭ u adstaŭku, kali antykarupcyjnyja demanstranty praihnaravali biesterminovuju kamiendanckuju hadzinu i sutyknulisia z palicyjaj — praź dzień paśla taho, jak u vyniku hvałtoŭnych pratestaŭ, vyklikanych zabaronaj sacyjalnych sietak, zahinuli 19 čałaviek.
Urad Oli źniaŭ zabaronu paśla taho, jak pratesty ŭzmacnilisia ŭ paniadziełak — palicyja prymianiała ślezaciečny haz i humovyja kuli suprać pratestoŭcaŭ, jakija sprabavali ŭvarvacca ŭ budynak parłamienta.
5 vieraśnia miascovyja ŭłady zabłakavali YouTube, X (były Twitter), Reddit, LinkedIn, WhatsApp, Facebook, Instagram. Urad zapatrabavaŭ, kab usie płatformy pryznačyli ŭ krainie aficyjnych pradstaŭnikoŭ, ale nie ŭsie sacsietki paśpieli heta zrabić.
Učora tysiačy maładych ludziej vyjšli na vulicy stalicy krainy Katmandu i zładzili pratesty. Siaredni ŭzrost pratestoŭcaŭ, pavodle danych niepalskich ŚMI, 15—25 hadoŭ.
Dla razhonu demanstrantaŭ užyvali ślezaciečny haz i adkryvali ahoń — u vyniku zahinuli 19 čałaviek, bolš za 500 paciarpieli, u tym liku 28 palicejskich.
Na fonie pratestaŭ byŭ časova začynieny aeraport u stalicy Niepała — Katmandu, a ŭsie rejsy admienieny.
Siońnia ŭrad zajaviŭ, što nie budzie błakavać miesiendžary, a premjer Niepała Šarma Oli padaŭ u adstaŭku. Usiaho za niekalki hadzin da svajoj adstaŭki Oli zaklikaŭ pratestoŭcaŭ da miru i strymanaści, uprošvajučy šukać rašeńni šlacham dyjałohu. Tym nie mienš, kiraŭnika ŭrada paprasiŭ pakinuć pasadu hałoŭnakamandujučy armijaj hienierał Ašok Radž Sihdel.
Armii krainy daviałosia terminova na viertalotach evakujavać ministraŭ z aeraporta.
Siońnia taksama pratestoŭcy ŭvarvalisia ŭ rezidencyi premjera i prezidenta.
Pratestoŭcy ŭ Katmandu padpalili rezidencyju prezidenta i premjera
Premjer-ministr Niepała padaŭ u adstaŭku
U Niepale admianili zabaronu na sacsietki paśla masavych pratestaŭ zumieraŭ, u chodzie jakich zahinuli 19 čałaviek
U Niepale ludzi masava vyjšli pratestavać suprać zabarony sacsietak, palicyja rasstralała demanstracyju
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie30
Kamientary