Łukašenka pra vybary ŭ ZŠA: 25 kandydataŭ pasadzili ŭ turmu (dasłoŭna)
«Niachaj pajeduć u Amieryku i pahladziać, jak tam pravodziać vybary, — paraiŭ A.Łukašenka svaim krytykam. Hetuju zajavu jon zrabiŭ u časie spatkańnia sa studentami Biełaruskaha dziaržaŭnaha ekanamičnaha ŭniviersiteta 12 listapada ŭ Minsku.—
Pa-mojmu , 50 miljonaŭ čałaviek nie zmahli prahałasavać, ich prosta nie ŭklučyli ŭ śpisy», — skazaŭ prezident. Taksama, dadaŭ jon, «było 23 abo 25 kandydataŭ [na post prezidenta]». «Vy čuli tolki pra Abamu i Romni, a astatnich 25 za sprobu padyskutavać z hetymi kitami pasadzili ŭ turmu», — skazaŭ Łukašenka.
Jak viadoma, u Amierycy, kab prahałasavać, treba zarehistravacca ŭ jakaści vybarščyka, tady jak u Biełarusi vybarščykam čałaviek ličycca aŭtamatyčna. U toj ža čas pracedura rehistracyi ŭ ZŠA ahulnadastupnaja.
Pra aryštavanych u Amierycy kandydataŭ u prezidenty ŚMI ničoha nie viadoma. U biuleteniach u Amierycy było 5 kandydataŭ. Adnak bolšaść vybarščykaŭ padtrymlivaje adnu ź dźviuch vialikich partyj — pravuju Respublikanskuju ci levuju Demakratyčnuju.
U toj ža čas, zajaviŭ A.Łukašenka, «a ŭ nas [naziralnikam] treba pryjechać sa svaim statutam, uleźci ŭ naš aharod i nas vučyć». «Nie treba, my sami praviadziem vybary», — skazaŭ jon.
Jak viadoma, u Biełarusi ŭ 2010 hodzie 8 z 10 kandydataŭ u prezidenty paśla vybaraŭ akazalisia ŭ turmie abo pad śledstvam.Dvoje ź ich zajavili pra katavańni ŭ turmie. Vypadak, kali ŭsie alternatyŭnyja kandydaty akazvajucca ŭ turmie, — byŭ chiba što ŭnikalnym u historyi.
Pamior 50-hadovy śpiecnazaviec Bućko. Jon byŭ udzielnikam vykradańnia i zabojstva Zacharanki i Hančara37
Kamientary