Padazravanych pa spravie ab vybuchu ŭ Viciebsku niama, choć dapytali 60 čałaviek

Padazravanych pa spravie ab vybuchu ŭ Viciebsku zaraz niama, paviedamiŭ načalnik adździeła infarmacyi i suviaziaŭ z hramadskaściu Śledčaha kamiteta Pavieł Traulka.

Nahadajem, vybuch la budynka UKDB pa Viciebskaj vobłaści samarobnaj vybuchnoj pryłady adbyŭsia ŭviečary 11 listapada. KDB raspaŭsiudziła infarmacyju, što pryłada była piratechničnaj, biez paražajučych elemientaŭ. Kab padarvać, jaje padpalili. U vyniku byli paškodžanyja dva akny.

Pavodle słovaŭ Traulki, u pieršyja dni pa spravie było dapytana bolš za 60 čałaviek.

KDB paviedamlaŭ, što pa padazreńni ŭ ździajśnieńni złačynstva zatrymlivali traich. Pryčym šmatznačna padkreślivałasia, što adzin z zatrymanych vyłučajecca nienarmalnymi pavodzinami i raniej zvaniŭ u KDB z krytykaj.

Pa fakcie vybuchu rasśledujecca sprava pa častcy 3 artykuła 339 Kryminalnaha kodeksa Biełarusi (asabliva złosnaje chulihanstva). Jak paviedamiŭ Traulka, pryznačanyja vybuchatechničnaha dy inšyja ekśpiertyzy.

Vybuch u Viciebsku byŭ źvianom u dziŭnym łancuhu zdareńniaŭ.

5 listapada na biełaruska-polskaj miažy adbyŭsia vybuch. 6 listapada nieviadomyja kinuli kaktejl Mołatava ŭ litoŭskaje pasolstva ŭ centry Minska. 8 listapada ŭ Navapołacku j Viciebsku zatrymali dvuch maładych rabočych, adnaho ź ich abvinavacili ŭ zdradzie dziaržavie.

9 listapada było abvieščana pra vyzvaleńnie ad pasady kiraŭnika KDB hienierała Zajcava. Zamianili jaho nie na namieśnika, a na kiraŭnika Rady Biaśpieki, a adstaŭku źviazali sa śmierciu padpałkoŭnika KDB Kazaka — śmierciu, jakuju Kamitet doŭhi čas admaŭlaŭ, niby tych miadźviedzikaŭ. A 11 listapada ŭ Viciebsku kala KDB adbyvajecca vybuch «samarobnaha piratechničnaha prystasavańnia», u vyniku jakoha paškodžany dva akny. Miž tym ad 12 listapada ŭ krainie ŭstupajuć u siłu dapaŭnieńni ŭ zakony ab baraćbie z teraryzmam i supraćdziejańni ekstremizmu.

Pra viciebski vybuch viadoma, što jon byŭ zusim nie mocnym, ale paciahnuŭ za saboj šmatlikija zatrymańni ŭ horadzie. Miarkujučy pa infarmacyi niekatorych zatrymanych, brali chłopcaŭ u čornych kurtkach z kapiušonam.

Mnohija adrazu praviali paralel miž hetym vybucham i teraktam u Viciebsku 2005 hoda, jaki, jak ustanaviŭ sud, byŭ spravaj ruk Kanavałava i Kavalova — ich rasstralali. Adnak pieršaja paralel padmannaja.

Akramia horada, u jakim adbyłosia zdareńnie, bolš dva vypadki ničoha nie łučyć. Vybuch 2005 hoda adbyŭsia ŭ ludnym miescy, a vybuchovaja pryłada była napoŭniena paražalnymi elemientami. Hetym razam zdareńnie nahadała chutčej simvaličnyja padziei 2010 hoda ŭ Babrujsku,

Čarada małaznačnych, ale hučnych zdareńniaŭ apošniaha tydnia, na pieršy pohlad, vyhladaje niby čyjaści sproba nakalić abstanoŭku ŭ hramadstvie.

• 0
• 0
• 0
• 0
• 0
• 0
• 0
• 0