U apošnim numary vałožynskaj rajonnaj hazety «Pracoŭnaja słava» pryciahvaje ŭvahu zvyčajnaja na pieršy pohlad abviestka. U joj «stabilnaja kampanija» šukaje dziaŭčat‑pradavačak z «pravilnaj movaj».
Časam, kali prahladaješ hazety ci prosta idzieš pa vulicy, to na vočy traplajucca roznyja abjaŭki pa ŭładkavańniu na pracu, niekatoryja ź jakich mohuć zacikavić nia stolki samoj vakansyjaj, kolki ŭmovami ŭładkavańnia. Tak u Vałožynie na pracu pradavačak patrabujucca ludzi z vałodańniem «pravilnaj movaj».
U apošnim numary vałožynskaj rajonnaj hazety «Pracoŭnaja słava» pryciahvaje ŭvahu zvyčajnaja na pieršy pohlad abviestka. U joj «stabilnaja kampanija» šukaje dziaŭčat‑pradavačak u sałon pa prodažy mabilnych telefonaŭ. Siarod patrabavańniaŭ da pretendentak aproč zvykłych «vopyt pracy, viedańnie PK, pryjemny vyhlad» było «pravilnaja mova».
Nam stała cikava, što ž aznačaje «pravilnaja». Na pytańnie ab movie supracoŭnica kampanii patłumačyła, što majecca na ŭvazie vałodańnie čystaj movaj, a nie trasiankaj. Na pytańnie, ci padychodzić pravilnaja biełaruskaja mova, dziaŭčyna adkazała, što im nieabchodnyja supracoŭniki, jakija vałodajuć «čystaj rasiejskaj movaj, z pryhožym vymaŭleńniem, bieź biełaruskich hukaŭ i słovaŭ». Voś tak biełarusam i davodzicca advučvacca ad spradviečnaha zvonkaha «dzie» i hustoha «čaho» — inakš zastanieśsia biaz pracy…
Ilustracyja z sajtu entnet.org
Ciapier čytajuć
Džefry Epštejn niekalki razoŭ atrymlivaŭ vizu ŭ Biełaruś. I dakładna naviedvaŭ našuju krainu7
Kamientary