MARTYRALOH UDZIELNIKAŬ BIEŁARUSKAJ NARODNAJ PARTYZANKI 1942-1948 HADOŬ

MARTYRALOH

UDZIELNIKAŬ BIEŁARUSKAJ NARODNAJ PARTYZANKI 1942-1948 HADOŬ

ALŠEŬSKI Ŭładzimier, suviazny Biełaruskaj Narodnaj Partyzanki, zabity čekistami.

BIAKIETA, kamandzir atrada, zahinuŭ kala Bielicy (Lidčyna) u bai z polskimi akoŭcami.

BIALEJKA, kamandzir atrada na Paleśsi, los nieviadomy.

BOKAN, kamandzir atrada, zabity čekistami razam sa svaim namieśnikam.

VIR Vasil, siabra Hramady i palityčnaha kiraŭnictva BNPartyzanki, z 1943-ha — viazień fašystoŭskich kanclahieraŭ, pamior (?) u Kanadzie.

HARYVADA, partyzan, pamior na čužynie.

HUK Kastun, adjutant atamana Chareŭskaha, zahinuŭ u Brazylii ŭ krasaviku 1968 h.

HUKALUK Ściapan, partyzan, pamior u Brazylii.

HUČOK, partyzan, pamior u Parahvai.

DZIERVAJED, siabra nielehalnaj Hramady na Pinščynie. Zahinuŭ u SD.

DUBROVA, kamandzir atrada na Pinščynie, dziejničaŭ i ŭ paślavajenny čas, dalejšy los nieviadomy.

IHNATAŬ, partyzan, pamior u Arhientynie.

KAVALOŬ, kamandzir atrada, były kapitan savieckaj armii, zahinuŭ padčas rejdu jaho adździeła va uschodniuju Biełaruś u bai z čekistami.

KANSTANČUK, były dziejač KPZB, kamandzir biełaruskaje partyzanki ŭ Biełavieskaj puščy, zahinuŭ pry niavyśvietlenych abstavinach.

KUŁAK, partyzan, pamior u Arhientynie.

KUREC, partyzan, pamior u Parahvai.

KARPOVIČ, partyzan, pamior (?) na čužynie.

LAVON, kamandzir atrada na Słonimščynie, los nieviadomy.

LAŚNIK Ivan, kamandzir atrada na Pinščynie, zahinuŭ u bai z savieckimi partyzanami.

MINIČ (CHOMIČ), kamandzir atrada na Paleśsi, los nieviadomy.

MIRON, kamandzir atrada, los nieviadomy.

PATRUBIEJKA, kamandzir atrada na Paleśsi, zahinuŭ ad čekisckaj kuli.

PIERAVAŁOCKI, partyzan, pamior u Arhientynie.

PIERAHUD Ivan, kamandzir atrada na Paleśsi, u 1945 h. pierakinuŭ svoj atrad u Polšču, dzie dziejničaŭ da kanca 1946-ha. Pamior na emihracyi ŭ 1984 h. Napisaŭ uspaminy “Partyzanskaja dziejnaść” (nieapublikavanyja).

PIHUŁJeŬSKI Jazep, partyzan atrada imia Niababy, pamior u 1984 h. u Parahvai (pachodziŭ sa Stolinščyny).

SAKOVIČ Juljan, kiraŭnik BNH, inicyjatar stvareńnia Biełaruskaje Narodnaje Partyzanki. Zabity polskimi akoŭcami ŭ 1943 h.

SIŁIVONČYK, partyzan, pamior na čužynie.

SIŁJuK Jazep, partyzan, pamior na čužynie.

SKRUNDŹ Mikałaj (“Vaŭkałak”), adjutant pałkoŭnika I.Šańko. Pamior u 1968 h. u Parahvai.

STASIEVIČ Jurka, siabra BNH i palityčnaha kiraŭnictva Biełaruskaje Narodnaje Partyzanki. Znachodziŭsia ŭ adździele atamana Taŭpieki, byŭ ciažka paranieny ŭ bai z čekistami. Paśla vajny žyŭ u ZŠA, aŭtar niekalkich artykułaŭ pra historyju nacyjanalnaha partyzanskaha ruchu ŭ hady druhoj suśvietnaj vajny ŭ “Biełaruskim Hołasie”. Pamior u 1984 h.

STRUK, partyzan, pamior na čužynie.

SUVOJ, partyzan, pamior u Parahvai.

SUVORY, kamandzir atrada na Pinščynie, zabity čekistami.

TAMAŠEVIČ, partyzan, žyŭ u Balivii.

TAŬPIEKA Jazep, kamandzir atrada na Haradzienščynie, paśla ciažkich bajoŭ z savieckimi partyzanami j čekistami advioŭ svoj atrad u Aŭhustoŭskuju pušču. Pamior na emihracyi.

CHAREŬSKI (NOVIK) Jakub, kamandzir atrada imia Niababy, zahinuŭ u 1968 h. u Brazylii.

CHMARA Siarhiej, siabra BNH i palityčnaha kiraŭnictva narodnaje partyzanki. Pamior u Kanadzie ŭ 1992 h.

CARUK, partyzan, pamior u Balivii.

ŠAŁAMIUK, siabra Hramady. Zahinuŭ u Pinskim SD.

ŠAŃKO Ivan, pałkoŭnik, kamandzir Biełaruskaj Narodnaj Partyzanki, były lejtenant savieckaha vojska, u 1943 h. zabity padčas pieramovaŭ pałkoŭnikam-dyversantam Lińkovym.

Hety śpis nia poŭny, bo ŭ šerahach Biełaruskaj Narodnaj Partyzanki vajavali tysiačy patryjotaŭ Baćkaŭščyny. Spadziajusia, što z časam udasca adnavić imiony ŭsich hierojaŭ-partyzanaŭ i padpolščykaŭ.

S.Jo.

• 0
• 0
• 0
• 0
• 0
• 0
• 0
• 0