Novyja knihi, dasłanyja ŭ redakcyju

Novyja knihi, dasłanyja ŭ redakcyju

M.Bahdanovič. Kraju moj rodny!: Vieršy, kazki. Dla małodšaha školnaha vieku / Mastak M.Basałyha. — Miensk: Junactva, 1999. — 190 s.: ił. — Nakład 5000 as. ISBN 985-05-0024-7

Zbornik składzieny admysłova dla małodšych škalaroŭ — u im sabranyja biełaruskija j rasiejskija tvory Maksima Bahdanoviča, uspaminy baćki paeta — Adama Bahdanoviča, Zośki Vieras i Maksima Hareckaha.

Ju.Harbinski. Biełaruskija relihijnyja dziejačy XX st. Navukova-redakcyjnaja rada: U.Konan (adkazny redaktar) dy inš. — Miensk — Miunchien: Biełaruski knihazbor, 1999. — 752 s.: ił. — Nakład 50 as. ISBN 985-6318-65-3

Falijant u vokładcy, padobnaj jak u knih litaraturnaje seryi ńju-jorskaha Biełaruskaha instytutu navuki j mastactva, reprezentuje žyćciapisy biełaruskich relihijnych dziejačoŭ i ŭspaminy pra ich. Kniha, aproč biblijahrafičnych źviestak, maje bahaty ilustracyjny dadatak. Jana vyjšła na hlancavaj papiery małym nakładam. Telefon Biełaruskaha knihazboru (017) 236-00-12.

Historyja biełaruskaje litaratury XX st.: U 4 t. T.2 / Nacyjanalnaja Akademija navuk Biełarusi. Instytut litaratury imia Janki Kupały. — Miensk: Biełaruskaja navuka, 1999. — 903 s. — Nakład 1500 as. ISBN 985-08-0179-4

Praciah čatyrochtomavych daśledzinaŭ biełaruskaje litaratury našaha stahodździa składajuć narysy pra paetaŭ, piśmieńnikaŭ i krytykaŭ mižvajennaha času. Upieršyniu ŭ akademičnaje vydańnie trapili niekali zabaronienyja imiony.

Kantakty i dyjalohi: Biuleteń Mižnarodnaj asacyjacyi biełarusistaŭ. № 1—2, 2000. — Miensk: Mižnarodnaja asacyjacyja biełarusistaŭ, 2000. — 64 s. — Nakład 299 as.

Jak i zaŭždy, biuleteń reprezentuje recenzii na apošnija biełarusaznaŭčyja vydańni, praciahvaje seryju «Biełarusy ŭ śviecie» ź bijahrafijami dziejačoŭ biełaruskaj emihracyi, padaje padrabiazny pieralik vydavanych u Biełarusi knih pra inšyja krainy j zamiežnych vydańniaŭ pra Biełaruś.

Klok 2. № 1, 2000. Kulturołohičieskij almanach avtorov. — Miensk: BY-WAY Group, 2000. — 64 s. — Nakład «ohraničien količiestvom pronicatielnych čitatielej».

Hety samvydaviecki prajekt jość praciaham časapisa «Muzykalnyj žurnał».

Kurjer: časapis. № 1, sakavik 2000. — Miensk, 2000. — 48 s., ił. — Nakład 5000 as.

«Kurjer» choča stać biełaruskim Newsweek-am. Redahuje jaho Ihar Hiermiančuk. Vydatnaja palihrafija (choć i čorna-bieły druk usiaredzinie), kalarovaja vokładka. Asnoŭnyja temy: ci buduć u Biełarusi pieramieny? ci varta apazycyi ŭdzielničać u vybarach? chto ŭ šerahach apazycyi zdolny spoŭnić rolu ahulnanacyjanalnaha lidera? palityčny partret ministra nutranych spravaŭ Jurja Sivakova; što dumajuć palaki pra biełarusaŭ? čym niebiaśpiečny čarnobylski sarkafah? Blizu 60% matarjałaŭ drukujecca pa-rasiejsku. Nieŭzabavie budzie ŭ prodažu ŭ šapikach.

A.Mickievič. Dziady / U 2-ch t. T.1–2/ Ahulnaja redakcyja I.Kurjan; Pierakład u biełaruskuju movu S.Minskieviča; Kamentar Z.Stefanoŭskaj, S.Minskieviča. — Miensk: Medysont, 1999. — 264 s. — Nakład 300 as. ISBN 985-6530-07-5

Upieršyniu całkam pa-biełarusku vyjšli mickievičaŭskija «Dziady». Vartaść hetaha vydańnia ŭ paralelnym źmiaščeńni pierakładu j polskaha aryhinału. Nakont nabyćcia treba źviartacca na teł. (017) 227-78-92, cana 5 u.a.

A.Ahiejeŭ, I.Puškin. Mahiloŭ na skryžavańni. — Mahiloŭ: Mahiloŭskaja abłanaja drukarnia, 1999. — 96 s.: ił. — Nakład 700 as. ISBN 985-6568-12-9

Pad navukovaj recenzijaj prafesara Anatola Hryckieviča vyjšła ŭnikalnaje vydańnie z 77 fotazdymkaŭ staroha Mahilova. Cikava, što da kožnaha staroha krajavidu padadzieny vyhlad taje samaje miaściny ciapier. Pierad čytačom paŭstajuć viežy kolišnich, zrujnavanych pieravažna za savietami, bažnic i pałacaŭ na tle ciapierašnich hmachaŭ i pustak.

U.Ładysieŭ, P.Bryhadzin. Na pierałomie epoch: Stanaŭleńnie biełaruskaje dziaržaŭnaści (1917—20 h.). — Miensk: Biełaruski dziaržaŭny ŭniversytet, 1999. — 128 s., (6) ark.ił. — Nakład 500 as. ISBN 985-445-191-Ch

Aŭtary sprabujuć maksymalna abjektyŭna razhledzieć peryjad stanaŭleńnia biełaruskaje dziaržaŭnaści ŭ XX st. Nie brakuje, adnak, u pracy pamyłak, u tym i sensavych: prykładam, skaz z dakumentu na s. 120—123 «Enhiels raźvił…» treba čytać jak «Enhiels raźbił…». Kniha budzie dobrym dapamožnikam dla hłybiejšaha vyvučeńnia pieršych hadoŭ parevalucyjnaha peryjadu našaje najnoŭšaje historyi.

Nacyjanalizm u śviecie: minuŭščyna, sučasnaść, perspektyvy. — Miensk: spartova-patryjatyčnaja arhanizacyja «Kraj», 1999. — 38 s. — Nakład 299 as.

Biełaruskija nacyjanalisty pišuć pra svaich kalehaŭ ź IRA, francuski Nacyjanalny Front, pra «novych pravych» u Eŭropie i ruch «biełych» u Paŭdniovaj Afrycy. Zamović možna

Z.Mažejka, T.Varfałamiejeva. Pieśni Biełaruskaha Padniaproŭja / Nacyjanalnaja Akademija navuk Biełarusi. Instytut mastactvaznaŭstva, etanahrafii j falkloru. — Miensk: Biełaruskaja navuka, 1999. — 392 s. — Nakład 1000 as. ISBN 985-08-0173-5

Praz vyvučeńnie balšyni žanraŭ miascovaha falkloru aŭtarka raskryvaje piesiennuju systemu ŭschodniaha rehijonu Respubliki Biełarusi.

Supolnaść: Biuleteń dla biełaruskich niaŭradavych arhanizacyjaŭ. Vyp.1—2 (17—18), studzień 2000 h. — Miensk: Supolnaść, 2000. — 51 s. — Nakład 299 as.

Dziejnaść biełaruskich niaŭradavych arhanizacyjaŭ, naviny z partnerskich arhanizacyjaŭ centru «Supolnaść», abviestki dy inšaja patrebnaja infarmacyja dla hramadzkich dziejačoŭ.

A.Citoŭ. Sfrahistyka j hieraldyka Biełarusi. — Miensk: Respublikanski instytut vyšejšaje škoły Biełaruskaha dziaržaŭnaha ŭniversytetu, 1999. — 176 s., ił. — Nakład 3000 as. ISBN 985-6299-36-5

Pieršy ŭ Biełarusi padručnik z sfrahistyki j hieraldyki. Aproč tradycyjnych dla aŭtara temaŭ pra biełaruskuju piačatku siaredniaviečča, majecca cikavy raździeł pra piačatki j hierby mižvajennaje savieckaje Biełarusi.

Čytaŭ knihi Viktar Muchin