Takoha ŭ biełaruskaj bankaŭskaj systemie nie było daŭno.
Takoha ŭ biełaruskaj bankaŭskaj systemie nie było daŭno: ŭ adzin dzień (u aŭtorak 19 červienia) praktyčna synchronna pravaachoŭnymi orhanami była praviedziena kanfiskacyja dakumentaŭ adrazu amal u 20 mienskich adździaleńniach bankaŭ. Dzie‑nidzie, pa našaj infarmacyi, nie abyšłosia biez prymianieńnia specpadraździaleńniaŭ Kamiteta dziaržaŭnaj biaśpieki, jakija dziejničali ŭ lepšych tradycyjach sučasnych «bajevikoŭ» i zrabili niezabyŭnaje ŭražańnie na pracaŭnikoŭ i klijentaŭ bankaŭ aŭtamatami, maskami i broniežyletami.
Pra toje, jakija dakumenty i navošta raptam spatrebilisia KDB, nieviadoma. Niekatoryja detali specaperacyi, praŭda, «Ježiednievnik» zdoleŭ vyśvietlić u dyrektara Departamentu finansavaha manitorynhu Kamiteta dziaržaŭnaha kantrolu Biełarusi Valeryja Jarašeŭskaha. Jon pryznaŭsia, što padstavaj aperatyŭnych mierapryjemstvaŭ čekistaŭ stała infarmacyja jaho viedamstva.
«Možna skazać, što heta dziejańni pa prypynieńni raschodnych aperacyjaŭ u suviazi z najaŭnaściu padazreńniaŭ u tym, što niekatoryja firmy, jakija adnosiacca da bankaŭ, ažyćciaŭlajuć niezakonnyja finansavyja aperacyi», — adznačyŭ u interviju «Je» V.Jarašeŭski. Udakładniać padrabiaznaści pradstaŭnik KDK nia staŭ, zajaviŭšy tolki, što hetyja aperacyi tyčacca «skažam tak, handlovaj sfery».
Krynicy paćviardžajuć słovy Jarašeŭskaha. Pa ich infarmacyi, u dadzienym vypadku havorka idzie pra bujnamaštabnuju specaperacyju čekistaŭ suprać finansavych kampanijaŭ, hetak zvanych «finok».
Jak zdoleŭ vyśvietlić «Je», vymańni dakumentaŭ pa asobnych klijentach vykonvalisia ŭ raźlikova‑kasavych centrach niekalkich bankaŭ. Supracoŭnik adnaho z bankaŭ, jaki pažadaŭ zastacca nieviadomym, raspavioŭ, što «ŭ nas prachodziŭ zapyt infarmacyi pra aperacyi klijentaŭ. Usie nieabchodnyja materyjały byli pradstaŭlenyja, i, ułasna kažučy, nijakich dalejšych pretenzijaŭ ci niezadavalnieńnia ad pracy banku ŭ hetaj sfery nie ŭźnikła».
Žurnalisty pasprabavali vyśvietlić padrabiaznaści taho, što adbyłosia, u Nacyjanalnym banku Biełarusi. Adnak kiraŭnik Hałoŭnaha ŭpraŭleńnia bankaŭskaha nahladu Nacyjanalnaha banku Siarhiej Dubkoŭ byŭ kateharyčny ŭ svaim adkazie: «My pracu pravaachoŭnych orhanaŭ nie kamentujem».
U staršyni Asacyjacyi biełaruskich bankaŭ Feliksa Čarniaŭskaha, jaki ŭ siaredzinie 1990‑ch hh. pracavaŭ u Nacbanku, na pamiaci tolki adzin epizod, supastaŭny ź ciapierašniaj specaperacyjaj siłavikoŭ u bankaŭskim sektary. Jon byŭ źviazany ź źniaćciem z pasady ŭ 1996 hodzie tahačasnaha staršyni Nacbanku Stanisłava Bahdankieviča. Tady hety praces taksama supravadžaŭsia aktyŭnymi dziejańniami specpadraździaleńniaŭ.
«Mnie ciažka rabić vysnovy pra dziejańni orhanaŭ, — kaža F.Čarniaŭski. — Z punktu hledžańnia bankaŭskaj dziejnaści heta padryvaje davier da sektaru. Ź inšaha boku, moža, tak i treba było. Matyvy, jakimi kiravalisia orhany pry vyrašeńni hetaj zadačy, nieviadomyja. Uvohule, kali pravaachoŭnym orhanam patrebnyja niejkija dakumenty, nia treba hetych «maski‑šoŭ». Prosta pryjšoŭ, pakazaŭ paśviedčańnie i zabraŭ, što treba. Nichto ŭ banku i słova nia skaža — tam niama ŭzbrojenych ludziej, tam dziaŭčatki siadziać».
Ciapier čytajuć
Statkievič raskazaŭ, jak vyžyvaŭ u źniavoleńni. I čym zajmajecca ciapier1
Kamientary