Krakaŭski sud pastanaviŭ spłacić Edvardu R. i jahonaj siastry 600 tys. złotych (kala 294 młn. rubloŭ) kampensacyi za stračany paśla vajny majontak na terytoryi siońniašniaj Ukrainy. Na čarzie — jašče kolki dziasiatkaŭ padobnych spravaŭ.
Byłyja ziemleŭładalniki abapiralisia na pahadnieńnie miž Polskim kamitetam nacyjanalnaha vyzvaleńnia i USSR, što tyčycca repatryjacyi palakaŭ z Uschodu. Hetkija samyja dakumenty ŭ svoj čas byli padpisanyja ź Biełarusiaj i Litvoj. Pavodle adnaho z punktaŭ damovy, Polskaja dziaržava maje kampensavać repatryjantam stratu pakinutych majontkaŭ. Ale ŭłady nia ŭnieśli hetaha mižnarodnaha pahadnieńnia ŭ Zvod zakonaŭ. I, adpaviedna, kampensacyja nie vypłačvałasia.
Polski MZS pratestavaŭ suprać rašeńnia sudu, spasyłajučysia na pahadnieńnie 1952 h. miž Polščaj i SSSR, pavodle jakoha ŭsie majomasnyja spravy takoha kštałtu byli pryznanyja całkam vyrašanymi. Pratest byŭ adchileny.
Hetki vyrak — druhi za apošnija tydni. Niadaŭna inšaja krakaŭskaja siamja adsudziła takim samym čynam 2 młn. złotych (1 młrd. 880 młn. rubloŭ). Jany damahlisia kampensacyi za pakinuty ŭ kolišnim Vilenskim vajavodztvie 30-hiektaravy falvarak i majontak z młynam dy vialikim domam u byłym Ciarnopalskim vajavodztvie. Praces ciahnuŭsia dva hady.
Pradstaŭniki małapolskaha vajavody, jaki reprezentavaŭ dziaržavu na abodvuch pracesach, padali apelacyju. Dahetul usie takija spravy vyrašalisia na karyść dziaržavy. Niekatoryja «krasaviaki» navat źviartalisia ŭ Trybunał pa pravoch čałavieka ŭ Strasburh. U Polščy žyvie 70—80 tys. asobaŭ, što stracili majontki na Ŭschodzie. Dziaržava vinna im dzieści 7—9 młrd. złotych.
MCH
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod32
Kamientary