Sezon u Teatry-studyi Akademii mastactvaŭ adkryŭsia niezvyčajnym spektaklem. Student-dyplomnik teatralnaha fakultetu Anatol Koc i vykładčyca sceničnaj movy Iryna Kabanava razyhrali pierad uzrušanaj publikaj pjesu polskaha dramaturha Inhmara Vilkista «Noč Chielvera».
Pastaviŭ jaje Alaksandar Harcujeŭ.
Svaju pieršuju pjesu «Oskar i Rut» Vilkist napisaŭ u 1998 h. Za piać hadoŭ jaho dramaturhija ŭ Polščy nabyła status kultavaj. U adnym z najlepšych teatraŭ krainy — poznanskim «Teatry Polskim» — iduć ciapier try pjesy Vilkista, jašče dźvie rychtujucca. Adna-dźvie jaho pjesy jość u repertuary kožnaha polskaha teatru.
Publika viedała, što Inhmar Vilkist — heta pseŭdanim, adnak doŭhi čas nie zdahadvałasia, chto za im chavajecca. Sioleta aŭtar vyrašyŭ raskrycca. Sapraŭdnaje jaho imia — Jarosłaŭ Śvieršč, heta viadomy historyk i krytyk sučasnaha vyjaŭlenčaha mastactva, namieśnik dyrektara prestyžnaj varšaŭskaj halerei «Zachkta». Jon litaralna pierakłaŭ svajo imia na staražytnaskandynaŭskuju. «Inhmar» — toje ž, što «Jarasłaŭ». (Inh, jak i Jaryła, — heta bostva płodnaści, a «-mar» («maerr») aznačaje «słaŭny».) Śvieršč — pa-biełarusku cvyrkun. A pa-narvesku — villqist.
Poŭny varyjant artykułu hladzicie ŭ hazecie "Naša Niva".
Ciapier čytajuć
«Vitold kazaŭ: «Nu što vy, što vy…» A mianty paśla kryčali pra mora kryvi». Palitviazień z susiedniaj kamiery raskazaŭ pra śmierć Ašurka5
Kamientary