Biezumoŭna, pramova Łukašenki pierad dyplamatami 23 lipienia — heta syhnał. I dla Zachadu, i dla Ŭschodu, i dla apazycyi.
Dla Zachadu — infarmacyja ab pieramienie hieapalityčnych pryjarytetaŭ. Dla Maskvy — harbuz. Varožaść da demakratyi spałučajecca ź niezaležnickaj rytorykaj. Taki voś cud u samym sercy Eŭropy.
Neron, rymski imperatar, byŭ nia tolki lutym pravicielem i razbeščanaj asobaju. Akramia taho, jon ličyŭ siabie vialikim artystam. Ihnarujučy słužbovyja abaviazki, jon vystupaŭ na roznych mastackich konkursach, dzie zaŭsiody pieramahaŭ. Na dumku imperatarskaha žury. Jość niešta neronaŭskaje ŭ lubovi pieršaha biełaruskaha prezydenta da chakieju. Nielha biez zamiłavańnia razhladać ahromnisty kalarovy zdymak na pieršaj staroncy hałoŭnaj biełaruskaj hazety, dzie radasny Łukašenka trymajecca za kubak Stenli razam z rasiejskim lehijaneram NCHŁ Chabibulinym. Hety honar, mabyć, byŭ zasłužany za pieramohu kamandy pensijaneraŭ, jakuju ŭznačalvaŭ Alaksandar Ryhoravič, nad čempijonami Biełarusi. Niešta tut nia toje. Albo čempijony ničoha nia vartyja, albo pensijanery zanadta rana pierajšli ź ladovych paloŭ u kiraŭničyja kabinety.
Hety zdymak byŭ nadrukavany ŭ «SB» 20 lipienia. I ŭ toj ža dzień adbyłasia vializnaja pres-kanferencyja hałoŭnaha čynoŭnika Biełarusi. Jaje sens niaprosty. Z adnaho boku, minała roŭna dziesiać hod z taho momantu, jak Biełaruś nabyła sabie prezydenta. Z druhoha, pavodle raźlikaŭ A.R., jahony druhi piacihadovy termin kančajecca tolki praz dva hady. Heta pieršaja nievytłumačalnaja asablivaść biełaruskaj palityki. Dzie 10 roŭna 12. Z adnaho boku, Kanstytucyja nie dazvalaje adnoj asobie zajmać najvyšejšuju dziaržaŭnuju pasadu bolš čym dva termi-ny. Z druhoha, asabista Alaksandar Ryhoravič «pakul siabie ŭ inšaj roli» nia bačyć.
Vyrašyć hetyja antynomii i pavinna była pres-kanferencyja. A zaadno dać adpor apazycyi, jakaja na nastupny dzień źbirałasia publična padvodzić vyniki dekady Łukašenki. Zrazumieła, što takija maštabnyja zadačy nie mahli być vyrašany chutka. Kanferencyja ciahnułasia čatyry hadziny i tranślavałasia pa ŭsich telekanałach. Što patrabavała vialikaj ciarplivaści i ad žurnalistaŭ, i ad hledačoŭ.
Poŭny varyjant artykułu čytajcie ŭ papiarovaj i pdf-versii "Našaj Nivy"
Jury Chadyka
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»10
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary