BDU ŭ Top‑3000 najlepš prezentavanych u Siecivie ŭniversytetaŭ śvietu — na 1663 miescy

Nivodzin inšy biełaruski ŭniversytet navat nia trapiŭ u śpis 3000. Bližejšyja pa rejtynhu biełaruskija VNU — Haradzienski dziaržaŭny ŭniversytet imia Janki Kupały i Homielski dziaržaŭny ŭniversytet zajmajuć tolki 3161 i 4514 miescy adpaviedna.

Isnuje šmat arhanizacyjaŭ i ahiencyjaŭ, jakija aceńvajuć jakaść navučalnych ustanovaŭ roznych krain. Rejtynh Webometrics ad hišpanskaj arhanizacyi Cybermetrics Lab kardynalna adroźnivajecca ad inšych. U im za hałoŭny kryter prymajecca jakaść pazycyjanavańnia VNU u Siecivie.

Kolki słaŭnych ludziej u historyi Biełarusi, jakija vypraŭlalisia ŭ doŭhi šlach pa viedy. Biełaruskich studentaŭ možna znajści ŭ roznych kutočkach śvietu. Dla tych, chto tolki źbirajecca atrymać adukacyju za miažoj i ličyć siabie vartym lepšaha — niezvyčajny rejtynh universytetaŭ, u jakim za kryter biarecca jakaść prezentacyi ŭ Siecivie. Šmat pracadaŭcaŭ pierad tym, jak naniać čałavieka, šukajuć jaho ŭ internecie, naprykład, jahony błoh. Tak i studenty, pierad tym, jak vypravicca ŭ dalokija krai, čaściej abirajuć VNU pavodle infarmacyi na sajtach.

Takim čynam najlepšaje miesca dla adukacyi — amerykanski ŭniversytet, bo ŭ pieršuju dziesiatku Top‑3000 uvajšli tolki ŭniversytety z hetaj krainy:

• MASSACHUSETTS INSTITUTE OF TECHNOLOGY
• STANFORD UNIVERSITY
• HARVARD UNIVERSITY
• UNIVERSITY OF CALIFORNIA BERKELEY
• PENNSYLVANIA STATE UNIVERSITY
• UNIVERSITY OF MICHIGAN
• UNIVERSITY OF ILLINOIS URBANA CHAMPAIGN
• CORNELL UNIVERSITY
• UNIVERSITY OF WISCONSIN MADISON
• UNIVERSITY OF TEXAS AUSTIN

Navučalnyja ŭstanovy ZŠA pieravažajuć i nižej pa śpisie, tolki na 19 miescy źjaŭlajecca Kambrydž, potym znoŭku zbolšaha amerykanskija.

Siarod Eŭrapiejskich VNU lidzirujuć, zrazumieła, Kembrydž, a taksama Švejcarski federalny technalahičny instytut, jaki trapiŭ na miesca 32 .

Webometrics daje raźbiŭku pa ŭsim rehijonam śvietu, naprykład, lepšy ŭ Afrycy — Universytet Kejp Taŭna, u Azii — Nacyjanalny universytet Sinhapura. Takim čynam, siarod 500 lepšych 238 VNU z ZŠA i Kanady, 211 — z Eŭropy, 21 — Akijanija, 20 azijackich, 9 z Łacinskaj Ameryki i tolki 1 afrykanski universytet.

U bolšaści našych susiedziaŭ sytuacyja z prezentacyjaj VNU ŭ Siecivie značna lepšaja za biełaruskuju.

Maskoŭski dziaržaŭny ŭniversytet znachodzicca na 232 miescy.

Varšaŭski ŭniversytet technalohijaŭ zajmaje pazycyju 508.

Vilenski ŭniversytet i Ŭniversytet Łatvii znachodziacca na 587 i 922 radkach adpaviedna.

Tolki ŭkrainskija VNU krychu prajhrajuć biełaruskim, Nacyjanalny Kijeŭski Ŭniversytet Tarasa Šaŭčenki znachodzicca adrazu ž na nastupnym miescy paśla BDU — na 1694.

Generation.by

• 0
• 0
• 0
• 0
• 0
• 0
• 0
• 0