Aleś Narkievič:

A ja sabie śpiavaju!

Sioleta, užo nia piaršy hod, 4 vieraśnia pad Voršaj prachodziŭ festyval bardaŭskaj pieśni. Heta svojeasablivaja danina pavahi da vajaroŭ, jakija zahinuli tut u 1514 h., Radzimu svaju baroniačy. Jak zvyčajna, udzieł brali ŭsie achvotnyja z roznych kutkoŭ Biełarusi. A voś pieramožcam z festu pajechaŭ dadomu bard Aleś Narkievič ź Vialejki. Imia jaho jašče zusim nieviadomaje ŭ bardaŭskim asiarodku, ale heta tolki pytańnie času. Kaliś i Źmicier Bartosik byŭ małaviadomym, pakul nie pieramoh na hetym feście. Z nahody pieramohi Aleś daŭ pieršaje ŭ žyćci interviju.

— Aleś, raskažy pra siabie i pra fest.

— Pra festyval daviedaŭsia z «NN». Moj siabar Michaś na Aršanščynu ŭžo nia pieršy raz jeździŭ. I mnie ŭsio niejak karcieła, a sioleta narešcie ŭdałosia. I padumałasia: čamu nia ŭziać instrument? Tym bolš što Źmicier Abrazcoŭ (bard ź Vialejki. — Aŭt.) z hitaraj jechać źbiraŭsia. Pajechali my. Usio za svoj košt. Upieršyniu vyjechaŭ tak pa-za miežy našaha rajonu słavutaha. Tusoŭka na festyvali była narmalovaja. Vyhladała heta tak, niby sabralisia znajomyja ludzi. Kali chto chacieŭ praśpiavać — na zdaroŭje, zapisvajsia i śpiavaj. Što my sa Źmitrom urešcie i zrabili. Akazałasia, prysutnym spadabałasia. Paśla znoŭ mianie zaprasili praśpiavać. Tady i prysudzili mnie pryz niečakana dla mianie.

— Paśla pieramohi tabie byli zrobleny niejkija prapanovy — kasetu zapisać, uziać udzieł u niejkim kancercie?

— Padychodzili navat aŭtohraf pytalisia! Padychodzili dziaŭčaty ź Miensku, z universytetu kultury, zapisvali moj telefon. Kazali, što na nastupny hod u Krevie ŭ ich budzie niešta adbyvacca. Pytalisia, ci zmoh by ja padjechać. Kab ranicaju pračnucca znakamitym — zrazumieła, takoha nie było. Bo nijakaha super-šoŭ tam nie było. Sabralisia prosta adnadumcy. Było cikava prosta vystupić. Nia časta my heta robim.

— Sa Źmitrom Abrazcovym ty ŭ vioskach Vialejskaha rajonu ładziš biaspłatnyja kancerty. Jak viaskoŭcy ŭsprymajuć hetyja vystupy?

— Jak ni dziŭna, ludzi na kancerty prychodziać. Byvaje, źbirajecca i 100 čałaviek, byvaje, i 20. My pačynali jeździć z Abrazcovym udvuch. Ale siońnia z nami jeździć jašče i Aleś Alesik, jaki na hitary šparyć — super.

Poŭnaściu hety artykuł možna pračytać u papiarovaj i pdf-versii "Našaj Nivy"

Siarhiej Makarevič,

Vialejka

• 0
• 0
• 0
• 0
• 0
• 0
• 0
• 0