Śpiecyjalizacyja «Historyja Biełarusi i kulturnaja antrapałohija» (Zavočnaja i dzionnaja formy navučańnia) źjaŭlajecca ŭnikalnaj u kulturnaj prastory niezaležnaj Biełarusi.
Upieršyniu ŭ biełaruskim univiersitecie (EHU) vykładajecca historyja ŭ jaje «čałaviečym vymiareńni». Mienavita hetamu spryjaje spałučeńnie historyi i antrapałohii. Studenty paznajomiacca z takim varyjantam historyi, dzie ŭ centry ŭvahi znachodzicca ČAŁAVIEK ź jahonymi pośpiechami i razčaravańniami, horam i radaściu. Śpiecyfika prahramy zaklučajecca taksama ŭ spałučeńni pracesu navučańnia i navukovaj dziejnaści ŭ hurtkach, łabaratoryjach i centrach Instytutu histaryčnych daśledavańniaŭ Biełarusi. Kiravać navukovaj pracaj buduć viadomyja ŭ biełaruskija daśledčyki (Hienadź Sahanovič, Zachar Šybieka, Siarhiej Tokć, Valancin Hołubieŭ, Aleś Smalančuk dy inš.). Narešcie, studenty atrymajuć redkuju mahčymaść žyć i vyvučać historyju ŭ horadzie, vulicy jakoha pamiatajuć vialikaha kniazia Hiedymina i pieršadrukara Franciška Skarynu, paeta Adama Mickieviča i paŭstanca Kastusia Kalinoŭskaha, supracoŭnikaŭ redakcyi «Našaj Nivy» i vučniaŭ vilenskaj biełaruskaj himnazii.
U Vilni jašče žyvuć tradycyi šmatnacyjanalnaha Vialikaha Kniastva Litoŭskaha, dzie daminavaŭ duch nacyjanalnaj i relihijnaj talerancyi. U Vilni aktyŭna raźvivałasia taksama biełaruskaja kultura. Jana i siońnia žyvie tam. Studenty EHU majuć mahčymaść sustrakacca ź viadomymi biełaruskimi historykami, piśmieńnikami i paetami, žurnalistami i palitykami.
Vypuskniki śpiecyjalizacyi atrymajuć dypłom «bakałaŭr historyi» jeŭrapiejskaha ŭzoru, a razam ź im hruntoŭnyja viedy pa biełaruskaj, jeŭrapiejskaj i suśvietnaj historyi, kulturnaj antrapałohii, etnałohii i archieałohii.
Vypuskniki śpiecyjalizacyi «Historyja Biełarusi i kulturnaja antrapałohija» mohuć vystupać ekśpiertami pa prablemam histaryčnaj spadčyny, pravodzić samastojnyja daśledavańni ŭ halinie histaryčnaj navuki, pracavać navukovymi supracoŭnikami muziejaŭ, ekskursavodami, vykładčykami histaryčnych dyscyplinaŭ albo praciahvać navučańnie ŭ mahistratury, u t.ł. pa humanitarnym śpiecyjalnaściam, niepasredna nie źviazanym z historyjaj.
Kiraŭnik prahramy — doktar histaryčnych navuk Aleś Fiodaravič Smalančuk [email protected]
Infarmacyju pra pastupleńnie možna ŭbačyć na sajcie EHU
Čakajem u Vilni!
Ciapier čytajuć
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ18
Kamientary