Забаронены Чавэсам тэлеканал вярнуўся ў этэр.
Станцыя спыніла вяшчаньне на агульнанацыянальнай частаце паводле рашэньня прэзыдэнта Чавэса апоўначы 28 траўня. На вуліцы Каракаса тады выйшлі як прыхільнікі прэзыдэнта, так і тыя, хто пратэстуе супраць ягонага рашэньня. Паліцыя ўжыла вадамёты і сьлезацечны газ для разгону дэманстрантаў.
Адмаўляючыся падаўжаць ліцэнзію RCTV, улады спаслаліся на відавочную крытыку ўраду ў этэры.
Прыватны тэлеканал Radio Caracas Television — найстарэйшы і адзін з самых папулярных у Вэнэсуэле, у той жа час менавіта ў праграмах RCTV гучыць жорсткая крытыка прэзыдэнта і ўраду краіны.
У канцы траўня былую частату RCTV заняў праўрадавы тэлеканал, які трымаецца каштоўнасьцяў сацыялістычнай рэвалюцыі прэзыдэнта Чавэса.
Многія прыхільнікі ўраду падтрымалі гэтыя захады, заяўляючы, што RCTV прадстаўляючы інтарэсы выключна эліты. Аднак гэтае рашэньне выклікала бурную рэакцыю ў грамадзтве, паколькі многія палічылі яго ўшчамленьнем свабоды слова.
Урад адмаўляе, што так ёсьць на самой справе, зазначаючы, што іншым прыватным сродкам масавай інфармацыі працаваць ніхто не забараняе.
У доказ таго, што свабода слова ў краіне не ўшчамляецца, улады ўказваюць на тое, што канал цяпер зноў у этэры, хай і не агульнадаступнай частаце.
RCTV вярнуўся ў этэр зь вялікай помпай. Гэты голас іншадумства будзе па‑ранейшаму крытыкаваць урад, але цяпер ён будзе даступны меншасьці вэнэсуэльцаў.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары