Лідар гурту «Ляпіс Трубяцкой» сышоў у бескампрамісную апазіцыю да сённяшняй улады.
«Напілісь быкі, скачуць па краіне, топчуць ручнікі капытамі ў гліне», — спявае Міхалок, і кожны разумее гэтыя метафары.
Музыка даваў рэзкія інтэрв’ю, дзе называў Лукашэнку «хлусам і злодзеем». Потым гэтымі выказваннямі зацікавіліся ў генпракуратуры, але крымінальнай справы не завялі. Тым не менш Міхалок застаецца жыць у Расіі. На сваіх канцэртах Міхалок гукае «Жыве Беларусь» і ШОС. Пад сэрцам ён выбіў татуіроўку «Не быць скотам», а на назе — Пагоню. Папулярны музыка мае вялікі ўплыў на моладзь.
***
Цытата: «Любы чалавек кіраваў бы краінай лепш за Лукашэнку».
Відэаінтэрв’ю перад канцэртам у Піцеры, верасень 2011.
***
Біяграфія
Нар. у 1972 у Дрэздэне (ГДР), у сям’і вайскоўца. Скончыў Інстытут культуры. У 1990 стварыў гурт «Ляпіс Трубяцкой». Выступаў таксама разам з «Крамбамбуляй», дуэтам Саша і Сірожа. Разведзены. У адносінах з артысткай Святланай Зелянкоўскай, выканаўцай ролі Настассі Слуцкай у аднайменным фільме.
Цяпер чытаюць
Стаў героем Магілёўскага ўнівера, збіраў фальклор, працаваў на беларусізацыю садкоў — расказваем пра Яўгена Бойку, асуджанага за салідарнасць з палітвязнямі2
Каментары