У «Доме вольнай Беларусі» ў Львове ўшанавалі памяць Міхаіла Жызнеўскага. Там цяпер захоўваецца і помнік герою
У пятніцу ў «Доме вольнай Беларусі» ў Львове ўшанавалі памяць Міхаіла Жызнеўскага і беларускіх добраахвотнікаў, якія загінулі, баронячы Украіну ад расійскай агрэсіі, піша «Свабода».
У мерапрыемстве ўзялі ўдзел дэпутаты рады, прадстаўнікі беларускай супольнасці і грамадскія дзеячы.
Загінулых ушанавалі хвілінай маўчання. Святар адслужыў паніхіду. Адбыўся паказ фільма пра Міхаіла Жызнеўскага. Выступілі дэпутаты Львоўскай абласной рады.
У «Доме вольнай Беларусі» цяпер захоўваецца і помнік Міхаілу Жызнеўскаму, які першапачаткова стаяў на месцы ягонай гібелі ў Кіеве. Таксама тут можна пабачыць рэчы, узнагароды, лісты іншых загінулых герояў.
Дэпутатка Кацярына Кэньо падзялілася ўспамінамі пра пахаванне Міхаіла: «Мы разумелі, што ідзе барацьба за праўду, за волю, за святло. На пахаванне Міхаіла Жызнеўскага прыйшлі тысячы людзей. Тады мы ўсвядомілі, што свабоду не спыніць».
Прадстаўнік Упаўнаважанага Вярхоўнай Рады Украіны па правах чалавека ў Львоўскай вобласці Тарас Падвірны расказаў, што робіцца для легалізацыі беларускіх добраахвотнікаў: «Разам з імі працуем над тым, каб ліквідаваць юрыдычныя перашкоды для іх знаходжання ва Украіне. У мінулым годзе мы перадалі ў МУС 25 спраў, і зараз гэтыя пытанні абмяркоўваюцца на найвышэйшым узроўні».
Беларускія актывісты Львова прапаноўвалі ўсталяваць помнік Жызнеўскаму ў адным з львоўскіх сквераў. Але ў нядаўнім інтэрв’ю «Свабодзе» мэр гораду Андрэй Садавы сказаў, што помнік пакуль ставіць не будуць:
«Ідэя цікавая, але падчас вайны мы прыпынілі ўстанаўленне помнікаў. Мы ўшаноўваем тых, хто аддаў сваё жыцьцё сёння ў гэтай вайне, падтрымліваем сем’і, прымаем шмат параненых, вельмі шмат перасяленцаў, гэта наш сённяшні прыярытэт. А калі будзе перамога, тады будзем размаўляць. Усяму свой час».
Цяпер чытаюць
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў8
Каментары
Жыў добра, добра загінуў, прылюдна. Пашанцавала. Пытанне, як гэта будзе з намі і калі і як будуць хаваць. Ці пашанцуе так.
А помнік трэба вярнуць на месца гібелі, лічу, так будзе слушна. Жызнеўскі- Герой Украіны і адзін з першых і месца мае значэнне.